Ramleng Chin miphun sin nawlnak

Chin News

To Ramleng Chin miphun sin nawlnak: Kan kaltak cang mi Kawlram cu duhsah tein ai thleng cuahmah ko cang tiah kan ruah cuahmah lio ah kum caan sau pi a kan hremtu ralkap nih uknak cu a hramhram loin an lak than cang. Vawilei pi theih a si cang.

May be an image of one or more people, people standing, outdoors and crowd

1988 rampi buainak le 2007 buainak bantuk silo in tu tan 2021 buainak cu ram chung mi cawlcangh ning ai dang thluahmah. Fim khur in cawlcangh chin lengmang a si. Cucaah, Cozah riantuantu hna nih ralkap kut tang ah riantuan lo – dodal le rianchuah tak (Civil Disobedience Movement) hi ai thok ve. Ralkap uknak Cozah rian a kal khawh ti lonak caah a biapi ngai ngai mi a si.

Mah bantuk ramkhel cawlcanghnak hi community min keng in tuah awk a tha lo. Community cu ramkhel cawlcanghnak ah tal a ngah lo mi a si. Cucaah, pumpak min keng in ka tuahnak a si. Ni hin tiang Hakha – Thantlang ah Ralkap uknak duh lo ruangah rian a dinh tak mi hna an tam chin lengmang cang.

Cucaah nangmah le keimah nih kan ti khawh tawk te zuan hnawh hi a biapi tuk hringhren. Dawtnak lungthin in zanghlei neihchiah a chuah mi vialte nan cungah kan i lawm tuk hringhren. Kan dih mi ral – ralkap uknak cu fak piin ai thok cang. Credit:Sang Hre

Relchih: Sandah Piah Tik Ah: 1. NLD he a pehtlai mi thilri paohpaoh hman lo ah a tha. 2. NLD he a pehtlai mi thilri kan hman tik ah ramdang mi hmuhning ah NLD party lawng nih tuahmi ah rel sual a fawite. 3. Poster kan taar tik ah mirangca tampi in telh chih ding, vawleicung pumpi nih fawi tein hngalh khawh colh a si. 4. Palek le ralkap he nan iton tik ah an thinhun ding in au hnawh lo ding. Bia chiakha hman lo ding. 5. Palek le ralkap pawl kha dinti le pangpar zong pek khawh i zuam ding. Mipi lei ah ttang kho ding tiang in an lunglaak khawh izuam ding.

6. Ralkap le palek cu mipi vengtu nan si, mipi nih lahkhah pekmi nan si caah mipi lei nan ttan ding a si tiah nemte in chimh khawh i zuam le an lungfiannak ding in chimh izuam ding.7. Cozah thilri siseh, mipi thilri siseh hrawhhral nak tuah hrimhrim lo ding. Salai Lairamthang

Leave a Reply