“Ramkulh (Pyine) hluttaw caah cun mi zei party paoh an si ah a poi lo. Dinfel izuam cio tu kha a herh hnga. Pyidaungsuh hluttaw caah tu ahcun USDP tlin ah a ṭha bik. A si lo le Kawlram politics a muru tiang a theimi an si ahcun party fami zong a poi lo.

NLD khan chung belte ah Sazuk a tlong ti lo. Tlangcung hriamtlai unau rual hna. Khuaivah bang an ṭha lawng a ba ko rua lai. Ralchan pet kho loin Tihrah/sor lai ah zei can maw dir peng ko in kan um cang. Ram mipi nih kan feipar, mer kan theih hlan cu Sazuk sa phur loin Khuhlu pum te he lawng inn lei tlun dawh in kan um ko cang”.

A dang a ṭialmi: Chawlbuk Khuasa Inn Lawinak Lam (Peace Policy). 2020 election ah—- Party nih cozah a serkhawh lo ah cun Chawlbuk tang khuasa Ramrian tuan hna, Bawmhlum Chiar Arfa no an hluan cang lai. An peace policy carik a kai kho, a kiah a fawi cang lai.

Peace policy ruat loin Party a buaimi pawl peace bridge khiaktu nan si te kho men. 1947-1962 karlak kan bia tete kha ai chang chang in ruat hmanh! 2015 Oct 15 Ni kha zeithil dah kan ton? Ram mipi nih ziah nan ruah lo.

2015 election ah —-Party an sung nan ti.— Party an sung loh. Chawlbuk tang khuasa an Hlei nan khiah dih deng. Inn tlun ai tim mi nan donh hna he ai lo. A tu i kan peace policy hi thate in zoh hmanh, 2008 cauk kongah buai rih hlah, Angki hring kong ah buai rih hlah, Peace policy in Inn lawinak lam a um ko. Caṭialtu: Pu Siang Lian Hmung