Naiganzi (politics) kong a ruat lo mi cu amah a ruat lo tinak a si. Ram pakhat Minung kan si ko ahcun Ramkhel kong kan ruah i kan theih a herh ve. Ram khel le ramrian ah mit khua a deilo mi Online ah khua hmu lo in a vak vai sawh mi kan tam tuk. Bia le thil si ning kan i lak ning hi ruah deuh a hau. ICJ biacaih zung an chuah ruangah Ralkap an dirpi tinak silo. Taza an in cuai ah cun na palh zong palh lo zongah bia caihnak hmai ah na chuah hrimhrim a herh lai ti i ruat chih.

Hi ICJ Biacaih nak ah Sukyi a chuah hi Diriam in ma na um ko. Kau deuh in ruat law. Hremnak hi kawlram nih tuar taktak sehlaw na tuar ve lai ma?. Na ram na dawt ah cun Na ram le Miphun ca ah thlafakpi in cam ko. Taza cuai ruangah party dang mi nung nih ICJ tlaih tleng le hriamnam ah hman in party dang thangchiat le doh hi Ram dawt a silo. Miralchia um ning a si.

Aung San Suu Kyi tuanbia zoh law nangmah maw ram daw deuh a mah cuai i thlai tuah. Na ram ca ah zeidah na tuar bal ve.na ram ca ah zeidah na tuah bal ve. tuanbia zoh zawngin thazang kan lak pah a herh hih. Ram thlen sersiam timh ruang ah hrem voikhat tal a in tuar bal ve rihlo mi le Politics cu zeidah a siti hmanh ai fiang lo mi kan nih hna nih cu e kha e ti in Party pakhat ah hruaitu a si mi le kumpi kum tampi ramkhel rian a tuan cang mi kan soisel hi fimah ka ruat lo.

Biacaihtu Pathian ko kan lo. Pathian sinah Thlacam mi a let lai let lailo tiin Pathian biakhiah nak ding ah kan mah nih bia kan hei khiah ngam kan khrihfa sinak a feh lo ning le Kan zumhnak Pathian kan tihnak afat zia a der thawm zia alanghnak a si. NLD nih hin Ral kap hi zeitik hmanhah a dirpi lailo. Ralkap uknak hi thlen a timh deuh mi a si. Asinain nihin tiangah cun Ralkap uknak a fehtuk ca ah an remh dih khawh rihlo ca ah Ralkap duh lo ning in thil a tuah khawh lo mi a tamtuk ca ah a si ko.

A foinak cun a min longin NLD nih ramhruaitu sinak an tlaih i a hruaitu taktak cu Ralkap a thli in an si ti kan theih a herh. Cu ralkap a thli in an thawnnak cu NLD nih thumh i an thilti khawhnak tete kha pakhat tetein hrawh a timh ciahmah ko. Atu hi Democracy a luat taktak mi le zalennak a ngei taktak mi ram ah ma kan ruah sual ko rih a tu kan ram hi.

Ralkap thawnnak NLD nih an thumh dih hlan cu Lungsau in um ko usih. Ne win nih Democracy ram si ding cun Caan tampi a herh tiin bia sullam ngei ngai in a rak chim kha mi kha Ralkap uknak dih ter a duh lo ca ah dawh a si cuh. Amin long in pei Aungsan sukyi chan in thil an Tuah tawn kha.ralkap uknak a dih nem mam lo hih. A thlitein uktu bantuk an si rih. Mit dei lo tuk le Tuanbia zoh lo le ngai lo tuk in Online ram vaih hi kan ngawl a hau. Nangmah zawn na ruah ah cun nainganzi ruat. Credit: Salai DK