Ramdang minu: Ziah…nangmah le na fale pahnih he lawngin nan rat. Na pasal he nan rat lo, tiah ka hal. Minu: kan pa he kan i tthen. Keimah: Zeiruangah (why) tiah ka hal. (mah tiangtiang va hal hi ka rian asi bak ti lo nain chungkhar ai tthenmi/ai daw lomi ka hmuh hna ahhin ka thinlung aa kan suk ngai tawn ka sia an herh tuk tawn; chungkhar (family) poah khi ai dawh viarmi si hna seh ti khi ka duh piak bikmi hna asi.)

Minu: Keimah rian aa kan ttuan ter ii, amah vial inn ah a um. Cun kan karlak ah problem hi a tam tuk eh a ti. (Mah aa ka chimh lio ahhin, ka lungchung tein a chuakmi cu zeiruang ahdah cu bantuk mi thathu hna cu na rak vaat e tiah chim bak ka duh nain ka chim lo.?).

Cun a vun a chim rihmi cu: Abiapi bikin kan i tthennak aruang bik cu fa tampi ngeih a duh kei nih fa tam ngeih ka duh lo; mah cu aruang bik asi ko tiah aa ka chimh. Cattialtu: Van N Elizabeth

Nihin Chinram thawngpang: Mindat Pengchung Khuate Lei Ah Kahdohnak A Chuak Kho, Tiah CDF-Mindat Nih An Thanh! July 26/ 2022 ah SAC ralkap hna cu Mindat khuachung ah lut in khuami pakhat sui fangnga tlai le phaisa sing 15 an laak piak leng ah a zuatmi Meheh pakhat an thah tiah theih a si. Culio ah July 27 zaan suimilam 10:00 hrawng khan Mindat peng cheukhat khua ah cun phone line hman khawh ṭhan a si cang tiah theih a si.

Cupinah Nizan zaanlei suimilam 4:30 hrawng ah Mindat khua tlanghrawn ah drone pakhat suimilam pakhat hrawng aa hel tiah theih a si. Nihin July 28/ zinglei suimilam 10:25 hrawng ah SAC ralkap 100 leng cu Yeshin khua ah lut in chekhlatnak an tuah caah tualchung mizapi hna cu Mindat – Kyaukhtu lampi hmang rih lo ding in CDF-Mindat nih thawngthanhnak an tuah.

SAC ralkap hna nih Mindat pengchung khuate lei ah drone zeimawzat thlah in hlathlainak an tuah caah ruahlopi in khuate lei ah kahdohnak a chuak kho. Cucaah mizapi cu ralring te i um cio ding ah CDF-Mindat nih ralrin peknak le theihternak cathanh an chuah.