Hakha voksa zuar nih ramdang tlungmi kan laitlang val pakhat cu a hloh ruangmang ko. Kan lai khualipi Hakha khua cu i ngaih ngaingai in ka vun phan ve. Ka ruah lo lengpi in thil a rak kal ruangmang. A caan ah cun ka ning hna a zak i, mi hmai hmanh ka khap lei lo.

Kan lai khualipi Hakha cun phunkip ka kip ka chok i, ka tlong leng. Dawr kal hrimhrim ko ah a nuam khun. Zei caah tiah Hakha Dawr hngak he i chawnh bika le bia i ruah anuamh khawh ning hi amak ko. An hmurka attha tuk hringhran. Mi chawnh biak ah hin nu le fa hawi le kom bantukin chawnh bik asi.

Ramdang tlung pawl hi Hakha ahcun zei ngaingai kan rak si lem lo. Aruang cu lai hlum khuami nih an kan teituk palia. Azeidang cu chim hlah phundang ruah loin an niam tinak siloin voksa zuar mi hmanh nih aa kan tei tuk ning hi ninglei a zak hi asi ko. Tuzing cu hmaichia in an ka tuah ruangmang ko teh.

Thil sining cu hitihin asi, tuzing July ni 29 zingka ah kan laitlangval pakhat ramdang in a rak tlungmi Pa Thang cu Hakha keihsih market ah sa cawk ka duh ati i, riangrang in a ka vun ka chawnh. Cycle cun ka chuak i, ka hawipa cu ka hngah. Tlawmpal ka hngah ah a hung phan.

Kan pahnih cun Hakha sizung laankhuai, keihsih market ahcun ka kalpi. Tlawmpal kan hngah hnu ah Voksa cu an rak ratpi. Kei kha an pawngkam ah cun ka tthu. Ka hawipanh cun zaangfah tein Voksa kha tit lawng angah lo sihmanh ah a ruh le a thau tam lonak hi ka tuah piak ulaw. A ruang cu hawi le kom he BBQ tuah kan duh caah asi khawh ahcun a tit duh ka tuah piak ulaw ka lawm ko hnga tiah Voksa zuartu pawl cu anawl hna. Voksa zuartu nih cun a vun khumh ruangmang ko teh. Voksa zuartu nih hawipa cu ramdang in a rak ltungmi asi a thei rua lo atimi cu atanglei bantukin asi.

Ka nau Voksa em ding cu atit an tuah bal ttung lo. Athau le a tit cun athau le athau karlakah atit aa telmi kawlholh in TUNGTHATT Ta an timi pawl hi pei a thawt bik cu. TUNGTTHATA pawl tu hi kan tuahpiak lai mu tiah an ti. Ka hawipa nih cun aa thawh i, silo TUNGTHATTA pawl hi kan ei khoh deuh lo cucaah atit rak ka pe ulaw ka lawm ko hnga tiah ati.

Voksa a zuarmi nih cun voksa em ding ahcun TUNGTTHATTA pawl hi pe athawt bik cu tiah an ti i pah in akhelruh kam atit umnak cu an tuah pia. Ka chim duhmi cu ramdang tlung ka ka hawipa kha voksa em pawl cu athawtnak a theituk ko man lai nain thil sining zeihmanh a theihnak aa chim duh lo i, ramdang in ka rak ltung ti zong aa chim hlei lo.

Voksa zuartu nakin khan kha zawn ahcun a thei deuh ko lai nain zeihmanh achim lo. Voksa zuartu le lam nih thil sining athei deuh bantukin a khumh ruangmang. Hmailei zongah ramdang tlungmi nih nan ton te ttheu lai. Nain aruahzia thiam te hna uh. Credit: John Biak