SAC chimphuannak nawlngeitu Zaw Min Htun nih “Myanmar ah datsi a dih lo” a ti ko nain, Mandalay ah datsi cawk ding in mi tampi cu an i tlar hna, tiah theih a si. Myanmar ram datsi cawk zuarnak bu nih, SAC nih a herh ning zat in dollar an chuah ti lo caah datsi cawtu nih anmah pumpak in a leng in dollar nuai 50 in an cawk. SAC nih dollar an ngeih ti lo caah a rauh hlan ah datsi a dih cang lai i, harnak nganpi kan tong lai, tiah ralrin an pek.

Zaw Min Htun nih datsi Ton sing 1 kan cawk, tiah a chimmi cu ni 10 hrawng lawng a nguh lai. Cucaah ramchung mizapi cu timhcia tein um cang u, tiah Myanmar ram datsi cawk zuarnak bu nih an langhter. Credit: The Chin Post

Thawngpang dang: Tamu Peng Ah Chinmi Pa Pakhat Cu SAC Ralkap Le Pyusawhti Nih An Tlaih! Tamu peng chaklei um Tanan khuami Thang Khan Suan (kum 22) cu Tamu khua in an khua lei a kir lio, an khua luh lai ah SAC ralkap le Pyusawhti nih nizan August 15 chun sml 12:00 hrawng ah an tlaih, tiah theih a si.

Thang Khan Suan cu Tamu ah thing ahnak seh cawk ah a kal i, a kir lei ah SAC ralkap le Pyusawhti nih cun an tlaih i, Myothit sakhan ah an kalpi. A chungkhar nih atu tiang an tong kho rih lo. Thang Khan Suan cu thing ah le zungthiam, inn sak ti bantuk in a chungkhar a cawmmi a si i, a unau lak ah amah hi upa bik a si, tiah theih a si. Tanan khua cu Tamu in meng 30 hrawng a hlat i, SAC ralkap, Pyudawhti, Shan tapung le Kate tapung an tamnak hmun a si.