Atulio Australia rammei kangh nih 6 millions hectors (150 million ekah, 24,000 sq miles) tluk a kangh cang. Minung 20 leng nunnak a liam i, mi tam ngai thawngtheih lomi mitlau cazin ah an um rih. Ramsa 500 million tluk an thi cang. Inn, mawtaw le thilri tamtuk man a kangh chih fawn. Mei an thah kho rihlo.

Atu rammei a kanghnak hmun pawl hi Chin miphun kan umnak le khua kan saknak khuapi cu an silo, kan him thinphang thlalau in a kan halmi tete an um caah. Asinain kan rammi an si ve caah ngeihchia, chung sivang le lungrethei in kan um ve. Kan Cozah hrimhrim a lungre a thei a tha a batuk. Cucaah nihin Zarhpini nan ipumhnak cio i nan thlacamnak ah kan hrelh sawh hlah uh tiah zangfah kan nawl hna.

Thlacam dingmi tlangtar (a tawifiannak in). 1. Rianrang in mei an thah khawh nakding caah 2.Van le vawlei sertu kan Pathian nih van ruah a surter nakding caah 3. Minung nunnak a liam tinak hngalo ding caah 4. Nunnak a liammi chungkhar vialte caah 5. Sungh zatlaknak a tongmi chungkhar vialte caah 6. Meithat rian le a dangdang emergency riantuantu vialte caah 7. A dangdang kenkip in thazaang a chuahtu vialte caah 8. Ramsa tizu ngacel vialte himnak caah 9.  Thawngtheih lomi mitlau cazin i chiahmi hna himte in hmuh an si nakding caah. Photo credit to uploaders! (Ram Tinthei)

Note: Laimi Khrihfa zumtu hna hi fak piin Australia caah thla kan cam a herh taktak. Australia hi Refugee zawnruattu taktak an si ti kha philh hrimhrim hna hlah usih! Australia nih kawh aunak phit sual hna sehlaw Chinmi Refugee caah ramthumnak kalnak dinglam a pih tluk khi a si. US le a ngah tibantuk ramdang taktak tibantuk pawl cu ruahchannak a tlawm tuk.

Australia ah hin Chinmi Refugee kan tamcem men lai. Cucaah atubantukin Refugee zawnruattu le dawtu an si ti philh loin harsatnak fak pi an ton tikah hin thlacamnak in bawm cio hna usih. Kan thlacamnak ah philh hrimhrim hna hlah usih! Biaknak dangdang zong fak piin thlacamnak an bawmh ve hna. Kannih chinchin cu kan daithlang ding hrimhrim a si lo.