Cattialtu Steven Dipa Ram Buai Lak Ah Kan Ton Mi Te Thantlang peng Zaangtlang ah siang ca chim in ka um. Kan ram buai ruang ah Feb 20ah CDM ka tuah i March thla dih lei ah Thantlang lei ah kan kir, mah kan kir ah hin kan um nak inn siang cachim um nak inn (boder) ah kan thilri cu kan kal taak viar rambuai ruang i vai dor a hauh sual ah tiah mah cu a si nain sep thla ni 3 ah nan inn le nan lo a si ti loh an ti caah kan thil ri cu chuah viar in mi an um tawh tha te kan hrenh mi si ko nain zei tin kan thil an chuah le an um tu cu fiang in kan thei loh.

Cu lawng si rih loh CDM ka tuah i Thantlang lei kan kir lai ah hin khuami pakhat nih zaan ttim ah kan inn chung ah a kan luh hnawh rih cu pin ah boder um mi zate dinti kan i lak nak ti pipe a cik viar hoi, a thaizing kan nu nih ziah ni zaan kha zaan ttim ah khan na rak luh ti nem te in a hal cu a nan mah khual fafa ka duh ah kan thah hna lai a ti i hriamnaam he a zuan hnawh namtong in a cheh i an phen piak manh aiza rih hoi lo i meithal ai lak i an tlaih len nain voikhat cu apuah.mah cu kan ram buai cuahmah bu i kan ton mi thil a si caah kan lung a nuam lo ngai le ka van langh ter ve mi si. (Note-i Share in chim porh lo ding.)

Thawngpang dang: Taliban nih Afghanistan cozah supreme leader Haibattulah Akhanzada cu rian an khinh hnu cozah dirh dingin timhtuahnak an ngeih lio ah China cu zumh awktlak mi hawikom tha a si tiah a thanh. Hi hi kan hnu September 2 ah Taliban hruaitu hna le China cozah tuanvo ngeitu hna Afghanistan kong le thanchonak kongah phone in an i chawnh hnuah a thanh mi a si. Hi kong he pehtlaihin Doha zung i Taliban deputy director Qatar Abdul Salam Hanafi nih Taliban nih kan pawngkam ram hna he riantuanti kan duh bantukin China nih a timh mi the Belt and Road Initiative zong kan colhan.

Taliban nih China he pehtlaihnak tha zong ngeih chinchin kan duh, China ram hnahnawhnak a pe kho mi zei bu paoh kan ramchungah um kan sianh lo tiah a chim. Belt and Road hi China ram le Asia, Africa le Europe ram i chawlet hawi ram 60 kar pehtlaihnak caah China nih a timh mi a si.Hi kong he pehtlaihin Fox News nihcun China nih hin Afghanistan ram in Copper le Aluminium ti bantuk vawlei chuak thil mansung hna a duh ruangah a si. Afghanistan nih cawh rih lo mi vawlei tang thil mansung dollar 1 trillion man leng a ngeih lai tiah a ti.

Taliban chimnak nawlngeitu Zabullah Mujahid nih China cu kan caah a biapi ngai mi hawikom ram a si i, mah nihhin hlawknak tampi a kan pek lai. Zeiruangah ti ahcun investment he ram sersiam kan timh lio a si caah a si tiah a ti. Ref; far news