Ralzaam Dirhmun Um Mi Nih Cun Theih Bak Ding

Theihtlei

Ralzaam Nih Theih Awk: WOMEN’S REFUGEE COMMISSION TIMI CU ZEIDAH A SI?

Image result for refugee

Women’s Refugee Commission cu kum 1989 ah an thawk. Nu, ngakchia le mino pawl himnak; an ngandamnak le an tikhawhmi tuahkhawhnak caah bawmhnak le a herhmi thilri pek; an nunnak ca i a herhmi biakhiahnak ah iteltum khawhnak; ruahnakpek, an mah bawmhnak caah zaanghlei cawiin a cawlcangmi pawl caah upade leiin siseh, phunglam suai le timhtuahnak leiin siseh rian kan ttuan. Vawlei cungah ralzaam le ramchungah umnak hmunhma ngeiloin a vakvaimi minung nuai 40 an um. Mahhnalak i panga ah pali cu nu, ngakchia le mino an si. Buaktlakin ralzaam si caan hi kum 17 a rau.

ZEIDAH KAN TUAH?

Women’s Refugee Commission nih a tanglei ningin rian kan ttuan: ralzaam nu upa le nu hna nih nau an pawi lio le nau ngeihnak caah chungkhar timhtuahnak tthatein ngeih ding; umhmun ngeilo nuhna kha tleihhremnak le a dang zaangen serhsatnak in kham ding; umhmun ngeilo ngakchiapawl sianginn an kai khawh ding; ralzaam nupawl nih an mah le chungkhar zohkhenhnak caah tangkaa an kawl khawh ding; minohna nih fimnak le thiamnak cawn khawh ding; United States ah mah himnak caah ralzaam sinak a sawkmi nu le ngakchiahna kha tthatein zohkhenh I thong ah thlak lo ding.

ZEITINDAH RIAN KAN TTUAN?

Thil sining le umtuning kan dothlet: Ralzaam umnak pawl ah khual kan tlawng i ralzaam pawl, UN zung, ramkip le ramchung. bupawl he tonnak le biaruahnak. Ralzaampawl nih zeidah an herh timi kan hlet. Zei program pawl (bianaah fimcawnnak, thiamnak cawnnak, pawcawmnak ca i tuahmi, ngandamnak zohkhenhnak) dah a tthahnem i zeipawl dah a tthahnem lo. Cun thilsining kan hmuh mi pawl kha kan hman: Ramkip in rianttuanmi bupawl he kan i tong i ralzaam nu, ngakchia le minopawl an nunnak tthanchonak caah zeidah tuah a herh timi kha kan chimh hna. Ralzaam pawl he rian a ttuanttimi pawl an rianttuannak tthanchonak caah zulhding le phunglam kan ttial piak hna. Ralzaam pawl kha cozah, cozah a silomi bu, le UN zung rianttuantu pawl he tonnak kan tuah piak hna i an mah tein zeidah kan herh timi kha an i chim khawh.

SINING LE TUAHMI

Cozah he aa pehtlailomi bu (NGO) kan si. Cozah, ramkhelrian asiloah biaknak lei bu zong kan si lo. Rianttuantu 25 le zohkhenhtu upapawl(board of directors) kan ngei. A cheu cu hlaanlio ralzaam an si. Women’s Refugee Commission nih bu le pumpak sinah bawmhnak tangkaa a pe lo. info@ wrcommission.org ah ca na kan kuat ahcun ramchung rianttuanmi bupawl sinah tangkaa bawmhnak a petu bupawl kong kan in chimh lai. Women’s Refugee Commission nih minungpawl kha United States ah ralzaam hmuh khawhnak caah bawmhnak a pe kho lo. Na nunnak caah ttihanun i ram khatkhat ah himnak kawl na duh ahcun United Nations High Commissioner for Refugees (www.unhcr.org/contact.html) asilo ah na ram i a rian a ttuanmi ramkip in a raami bupawl he khan pehtleihnak tuah. Women’s Refugee Commission cu upade ningin International Rescue committee he rianttuanttimi bu a si i, a miakkawllomi bu upade 501 (c) (3) ningin IRC nih tangkaa a bawm lo.

Ref: Women’s Refugee Commission

Leave a Reply