Ralrin Taktak Hau Cang. Corona Virus Hri Lengmi Kongah US Thiamsang Pawl An Lung Rethei Tuk Cang

Thawngpang

Tuchun Coronavirus Update: US ah coronavirus in minung 32 an thi cang. Zawtnak rungrul a ngeimi minung 1039 an si. Washington State lawngah minung 19 an thi. State 34 ah zawtnak rungrul an hmuh. Stock market a tla. Khualtlawn, meting, conference tibantuk tampi cancel a si. Zung a kharmi le sianginn a kharmi zong an um. Europe ram in US luhnak innka ni 30 chung khar chung a si.

Image result for covid 19 virus

Rarin Ding: 1. Na kut thiang tein ttawl lengmang. Kut ttawl hi khamhnak tha bik a si. 2. Kan taksa kua chung in a lutmi si caah na hnar kua, na mit, le na hnakhaw tongh lo izuam. Rawl ei hrimhrim ah kut in ei lo ding. 3. Mi kut tlaih hrial khawh izuam. A herh lo ah mi tak tongh lo ding. 4.Shopping kal, puai kal iranril hau. Leng na chuah i na kir le cangka na kut chapiat in thiang tein ttawl lengmang ding A herh lo ahcun leng chuah lo ding a si lai. Na cawpit na hathio i, na tak a linh ahcun sibawi i piah colh ding. Coronavirus hi ttih tuk ding a si lo i, ngamh tuk ding zong a si lo. Iralrin poah a tha. Salai Lairamthang

Image result for covid 19 virus

Biapeh: COVID-19 ruangah America zong a lungrethei taktak cang. Kum 1918 hrawngah a rak cangmi Spanish Flu rai a rak um lio ahhin vawleicungah minung million 50 in milion 100 kar an rak thi. Cu bantuk dirhmun hna kan phan sual lai, tiah health experts pawl an thinphang tuk cang. Cucaah a cunglei langhter mi hna khi zulh khawh peng i zuam cio hna usih.

Leave a Reply