CHINA ZAWTNAK vs LAIMI: Atu lio vawleicung pumpi nih an buai pi mi le an ṭihmi China zawtnak (Coronavirus) hi Laimi le Kawlram (Myanmar) nih zei te ah kan rel rua lo hlah maw ti awk in a um. Hi kong ah ralrin kan i pek a herh ko rua. Zahan Zarhpi ni ah Myanmar Health & Sport minister nih Kawlram ah Coronavirus zawtnak a ngeimi pakhat hmanh kan thei rih hna lo tiah a chimmi Irrawaddy news nih an ṭial.

Ai ze an um lo taktak bia cu maw si hnga, silo ah an um tak le tak lo an hngalh khawh lo bia deuh dah si hnga ti ruah lo awk ṭha lo.Vawleicung ramkip-Italy le Iran ram tehna tiang hmanh ah Coronavirus zawtnak hi a darh cang va si kaw duh tawk in phung ning lo hmanh i Tuluk (Chinese) pawl a thong thong i an luhchuah nak Kawlram i Coronavirus zawt nak a ngeimi pakhat hmanh an um lo ti cu zumh awk a hei har tuk ning hi lung a dong.

Atu hrawng hi US um Laimi Kawlram lei a tlungmi an tam ngai. Hongkong le Korea lei ngawt in an tlung hna. Atu cu Hongkong le Korea zong ah China zawtnak a ngeimi an karh chin lengmang cang. A him hlei ti lo. Kawlram i a tlungmi pawl hi Rangoon le Tachileih hrawng mipi lak i a tlongleng mi an um len hna. Coronavirus zawtnak a ngeimi hna lakah tlongleng hna seh law hngalh lo si.

An kir tikah China zawtnak hna hi an van kan phurh ve sual telai maw ti hi phan a um ngai. CUCAAH, hi China zawtnak (Convid-19) hi a thian dih hlan cu Kawlram tlun hi hrial cio rih ah a ṭha hnga. Ralṭhat phun i pah chih ding phun a si lo. Kawlram (Myannar) ah Coronavirus zawtnak a um rih lo timi hrim hi cu a zumh zumh lo ding mi thil pakhat a si. Tam ngai um cang seh law hngalh lo si. #Ralrin poh cu a ṭha deuh ko lai. Ref: TCV