Credit: Salai Bawi Lian Mang: Support CRPH. Condemn SAC Terrorist group. CRPH hi kan dirkamh hna awk asi ko. Tlamtlin lonak tampi an nei ko lai. Sa lak le ral lak ah a cawl mi an si ve caah an tlamtlin lonak tu kha ruahnak pek khawh le dirkamh khawh kan izuam cio hna lai. Atu tiang ah CRPH nih hin ruahnak pek mi an cohlan an pom ko.

Atu a tanglei ka vun tarlangh mi statements pawl hi ruahnak a pe tu an um caah an vun chuah mi an si. 2008 phung kan hrawh lai i Federal Democracy ram kan ser lai timi hi ttih ding asi lo. Nan pi ASSK nih Union peace conference ah a rak chim cang mi asi. Mipi nih an mah te in rungveng tu bu an iser i an i runven khawh nak ding ah Vawlei pi theih in Min Aung Hlaing le SAC phu hi Ralhrang ah nan thanh ahau. An tuahser nak vialte hi ralhrang “terrorist” tuahser nak asi.

UN palai Kyaw Moe Tun kha nanmah CRPH nih a ran nak in asinak na pompiak i “credential recognition” nanmah minung asinak thanh ca nan chuah ah cun ramkip Palai pawl caah runvennak asi pin ah UN in chung ah minung ready in nan-kan i neih asi. Hi pawl hi an mah CRPH zong nih an rak ruah cia mi zong asi kho men ko na in rianrang in ca vun chuah ding ah a chimrel tu le ruahnak a pe tu an um caah an vun chimrel mi asi. Hi nih hin atu cawlcangh nak ah dot tampi cung ah mipi an kan kai ter.

Ruahnak ttha nan neih mi fiang te in thil sining nan theih mi aum ah cun ruahnak tu rak pe cio hna u. Pakhat le pakhat i kilh kamh i dirpi hna u si. Ralkap uknak kan tei hrimhrim lai. Democracy le Zalonnak kan hmuh hrimhrim lai. Ramchung ah nunnak pek in CDM atuah tu vialte upatnak salam pek bu in.