Ralkap Thutdan 25% An I Tthumh Lo Ahcun 261 Remh Lo Ding Salai Lairamthang

Ralkap pawl nih Pyitaungsu hluttaw ah phughrampi pohmah 261 remh dingah biatung an dirh. Ralkap palai 144 nih minsen an thut i, hluttaw lutlai sin ah an pek cang. Rralkap thiamthiam nih phunghram remh dingah pohmah 59 (F] he apeh tlaimi, pyitaungsu vuanci pawl le ramkulh le ramthen vuanci pawl tahfung renghnak upadi an chuahpi than. Ralkap nih phunghrampi remh ding in an chuahpi mi tam deuh cu anmah ralkap le USDP party hlawhnak le miaknak ca lawngte a si. Tlangcung mi dawtnak le zawnrahnak pakhat hmah a tel lomi a si.

Ram kulh le ramthen hluttaw ah hluttaw palai hna nih CM thim khawhnak caah pohmah 261 remh ding kong athiamthaim a si. Kan hnu ah USDP nih mah biatung cu an dirh cang nain Pyitaungsu hluttaw nih NLD party hruaitnak in sermi 45 committee nih ceih te dingah an fonh piak hna. A dang tein USDP le Ralap nih ceih an duh nain pyitaungsu hluttaw nih a dang tein ceih nak in phunghrampi remhtu 45 committee nih chuahpi i ceih dingah pyitaungsu hluttaw palai tam deuh hntlak nak in 45 commiitte ah an fonh piak hna.

Ralkap le USDP party nih hin 2020 thimnak ah an sungh dng an i ruah cia cang, an i zumh ti lo caah ramkulh le ramthen tal ah vuancichuk tuan khawhnak lam an kawl. Tlangcung mi umnak state kip ah tlangcung party le NLD party ah thimfung aa tthek lai caah cozah an ser kho lai lo. cucaah USDP nih 26% hrawng an ngah ahcun ralkap he ibawm in state kip ah cozah kan ser lai timi hi an i ruahchan mi a si caah atu bantuk in hnawhsare in pohmah 261 hi remh an timhnak a si.

Ralkap le USDP nih phunghrampi remh an timhmi hi tlangcung mi zawnruahnak pakhat hmanh a tel lo. Tlangcung mi rap an kan foih bai a si. Anmah thutdan ngahnak ca lawng an ruahmi a si. NLD Party nih cun phunghrampi cu democracy ning in remh an duh. Mipi thimmi lawng nih President, Vice president le ramkulh le ramthen vuancichuk tuan an duh. Mipi nih thim lomi ralkap nih state vuancichuk tuan ding hrimhrim an duh lo. Asinain ralkap le USDP nih 261 remh dingah an timh lengmang mi cu anmah ralkap le USDP thutdan hmuhnak caah a si.

Mipi nih thim lomi, ralkap nih Vice presidet pakhat siseh, Amyotha huttaw le Pyithu hlttaw ah thutdan 25% an ilaak cia cang. State le region hluttaw kip ah 25% an i laak chap rih. Mah vialte an i laak ciami hmanh an luan tuk cang. Cu lawng hmanh a si rih lo, Ministry of Defene, Ministry of Home Affair le Ministry of Border Affair timi a biapi bikmi vuanci pathum zongah an i hui dih. Cuaah ralkap nih hluttaw chungah 25% an i laak ciami thutdan 25% an tthumh duh lo ahcun pohmah 261 hi remh ding a si lo. Ralkap le USDP nih pohmah 261 remh ding tiah an chim lengmangmi hi democracy le federal a duh caah a si naisai lo. Ramkulh le ramthen ah vuancichuk tuan khawh an duh caah a si. Zeicatiah mipi nih thim lomi ralkap pawl vuancichuk tuan khawhnak le USDP pawl vuncichuk tuan khawhnak lam sawsawh an kawlmi a si. Democracy timi cu mipi thimmi nih uknak phung a si. Miipi thim lomi nih ukmi phung paohpoah cu democracy a si lo caah a doh in doh ding a si. Credit: Salai Lairamthang