Ralkap Nih Uknak An Lakmi Kongah ‘UN’ Nih Thanhnak An Tuah Cang

Myanmar News

Tling kho hram sehlaw tthatuk hnga. Kan theih bantukin kan Kawlram cu ralkap nih uknak/aa-na an vun lak tikah rammi vialte cu lungthin kekkuai in an kan chiah dih ko. Ralkap nih uknak an lakmi cungah rammi lawng si loin vawleicung ram cheukhat nih ralkap thil tuahmi cu faak piin an soisel colh.

Image result for min aung hlaing

Cu lawng si loin vawleicung ah ram tthawngbik timi US telh in ram tampi nih ralkap nih uknak an lakmi cu pektthan dingin cathanh an chuah pinah an tlaihmi hna kawlram president, Aung San Su Kyi le a dang rianttuantu hna cu thlakpiak dingin nawlnak an tuah cio. A cunglei kng he pehtlaiin UN General Secretary simi Antonio Guterres nih a tanglei bantukin ralkap thiltuah cu a chim cang.

Image result for UN General Secretary António Guterres

UN General Secretary António Guterres nih a chimmi cu “Kawlram ralkap nih uknak lakmi cu an hlawhtling lai lo. Hlawhtling kho loin UN nih kan tuah/kham lai. A herh ning in rian kan ttuan lai tiah nizan ah a chim. Cu lawng si loin vawleicung ramuk bawi dangdang kan auh hna lai i Kawlram ralkap pawl harnak kan pek hna lai” tiin a chim chap.

Relchih: Atu tan Kawl ralkap nih uknak an lak zaan kha lungrethei ngai in kan inn thlang lam kiang ah ka dir i khua ka ruah lio ah, ruah lopi in India ralkap pakhat union a union form he a rak ra i ka lau bak-ralkap ttihnak lungthin kha ka nun ah a rak lut tthan tinak si cu. {Cucu kan huat tukmi ralkap uknak theipar cu a si-ttihnak. Hi kong ahhin keimah pumpak zong ka ngaihchiat le ka sivangh nih a ka tei ve caah ram chung minung zeitin hnemh le thazaang pek zia zong ka thiam ve lo.

Ralkap uknak tangah ttihphannak he khua a sa pengmi ram Pathian nih, a vel thawng in kum 10 chung a nuam tukmi democracy uknak tangah umnak caan a kan pek hi a va sunglawi dah ti tu in ruat hna u sih. Bawipa nih kan zalennak a kan pek tthan nakhnga fakpi in thlacamnak he rammi kan i zuam cio ahcun ralkap cu an bei a dong te ko lai. Hrambik Lian

 

Leave a Reply