Kan vawlei khua caan zoh tikah, hnangam nak a um tilo. Bawi Ram biakam a nai cang a caan a rau ti lailo. Hawidawt daithlang in um caan a si tilo.. Thaizing kan nunnak hi zei kan lawh lai, kan ton lai kan hngal lo..Bawipa lawng hi kan himnak tling a si ee.

Caan tawite kan khualtlawnnak vawlei i kan cam chungah hin Pakhat le pakhat i daw hna u sih..
Kan Kawlram pi caah Biatak tein thlacam kan herh ko ee.. Cattialtu: Iang Lian Sung

Relchih: Myanmar ram Uknak (Aa-naa) cu kum 1 chung ca in Myanmar Ralkap Lutlai Senior General Min Aung Hlaing sin ah an pek. Myanmar ram Uknak (Aa-naa) cu Caan karlak President U Myint Shwe nih Ralkap Lutlai Min Aung Hlaing sin ah kum khat chung ca in a pek tiah February 1 ah Myanmar Ralkap ngeih mi thawngthanhnak Myawadi nih a thanh.

Raw

Hi kong ah Myanmar Ralkap lei nih 2020 thimnak mee result cu nuai 10 leng in a dik lo mi a um i cu a dik lo mi ruang ah zapi buaibainak a chuak. Ralkap lei in siseh, Tlangcung Party lei in siseh, Ramkhel Party dangdang hna nih a dik lo mi mee result a um ca ah thimnak tuahpiak than ding in an hal mi an tuah duh lo.

Cun rampi ca ah a biapi tuk mi humhimnak kong ceihmai ding mi meeting zong a au duh lo i hramhram in Cozah thar ser a timh ruang ah phunghrampi a buar. Cucaah Uknak nawl (Aa-naa) cu 2008 phunghram 411 caangthen A ning in caankarlak President U Myint Shwe nih amah minthut in Ralkap Lutlai sin ah a pek hi a si, tiah Myawaddy Thawngthanhnak Zung nih a thanh.

Cu a thanh mi chung ah Myanmar ram caankarlak President U Myint Shwe nih kum 1 ca lawng in ralkap sin ah (Aa-naa) Uknak nawl cu a pek ti zong aa tial. Uknak nawl (Aa-naa) a lak ca ah Myanmar ram President U Win Myint le Daw Aung San Suu Kyi tel in NLD Party lutlai hna cu tlaihkhih an tong i Ramkulh le Ramthen Chief Minister le Cozah lei upa hna zong an umnak hmun in chuahter lo ding in ralkap nih an kulh hna. Ref: Democratic Voice of Chin-DVC (Ref: RFA)