Ralkap Nih Suu Kyi Le President Win Myint Tazacuai An Timhnak Hna A Ruang An Langhter Cang

Myanmar News

Thin a hung kho tuk! Suu Kyi cu a inn ah radio an hmuh caah uknak firtu Min Aung Hlaing phu nih taza an cuai. President Win Myint zong a inn hmai a rami NLD tanpitu pawl a kut a zaoh “wave” hna an ti caah taza an cuai ve.

Tough challenges lie ahead for President U Win Myint | The Myanmar Times

Ralkap uknak cu sehtan pennak bantuk a si caah tlaih an duhmi poah cu a herh lomi aruang an kawl i an tlaih ko hna, an hrem ko hna. Mah hi kanmah cio cung ah a tlung ve te lai. Ralkap uknak a nun thai ko ahcun voih voih sual ruang zong ah thongthlak kan i huah te kho. Salai Lungthli Tum

NLD said to shortlist candidates for Speaker | The Myanmar Times

Relchih: Rampi Zatlak A Ton Lioah Ralkap Thiam A Cotermi Zong A Rak Um Ve Hoi! Rakap cawlcanghnak thiam a coter mi tete an um lenmi ka hmuh hna i ka khuarua a har tuk.2008 phunghram a theimi nih an chim tawnmi cu “coup mechanism in waiting” an ti. Duh tik poah ah uknak lak than khawhnak lam an i sermi a si an ti.

Cucaah ram a tha cang lai kan ti lioah uknak an lak than i cozah riantuannak lamtluan vialte an thlennawn than dingmi cu a poi ko. Tu ning in a kal ahcun ramdang sanction a um thluahmah than lai. Ahodah tuar lai? Mipi an tuar ko lai. Ram a tuar ko lai.

An hrut lo i, mipi huat zaawng cun a kan hruai tuk lem lai lo. Anmah nih nawlngeihnak vialte an tlaih dih lai i a caan ah ram daw ngai le ram a sersiam ding phun in an chim rel lai. Asinain ralkap nih ram a hruainak ah ram a tha bal lo. A thangcho bal lo. Ram hruaitu ding zong ah zeitik hmanh ah hman le ruah an si bal lo.

Uknak an laknak ding a ruang hrim a um lo. Phunghram an upat ko ahcun Court ah tazacuai khawhnak lam an ngei. Asinain an sungh dingmi an i hngalh caah an i tlerhkhawng i an bu thing ah ram an luh pi than. Cheukhat nih Suu Kyi le Election tuanvo ngeitu mawh hna ah an chiah hoi. Phung le lam cungah a kal cangmi an si bantukin anmah nih thimnak aa lim cang hnuah zeidah an tuah khawh ti.

Court lawng ah lungtlin lonak cu fight khawh a si cang. Nan lungtlin lo cun thimnak kan tuah than hna lai ti kha Suu Kyi rian zong si lo. Election tuanvo ngeitu rian zong si lo. A hngakchia tuk. Court nih biachahnak a tuahmi poah zulh ding lawng an ngei cang. Ralkap nih an cohlang kho maw? No. Hramhram in meithal put in nawlngeihnak chuh kho a si ko. Thiam coter ding pelte zong um lo an ngei fawn lo. Thiam a cotermi hna he ralkap he ningzak an si. Luther Tin Hre

Leave a Reply