Ralkap Nih Suu Kyi Cung Thil Tuah An Timhmi Cu A Poi Ko

Myanmar News

Myanmar’s State Counselor Daw Aung San Suu Kyi cu nihin ah Ralkap lei nih case an chap piak, tutan case an chap piak mi cu Covid phungbuar nak pohma a si i kumthum thongtlak khawhnak pohmah a si. A hmasa case an ser piak mi kha kumthumthongtlak khawhnak a si fawn, cu caah a pahnih in sual an phawt sual ahcun kumruk chung thonginn chung ah a taang ding dirhmun ah rap an tarh piak diam hoi.

Image result for aung san suu kyi

Ralkap nih Aung San Suu Kyi cu Export le Import Law in taza an cuai, a sual ko tiah hramhram degree an chiah piak ahcun kumthum chung thonginn ah hrennak ding lam asi. Cun nihin ah khan Video Conference in biaceihnak an tuah hna i cu ahcun Ralkap lei nih a sualnak case thar pakhat an ser piak tthan, cucu Covid phung a buar timi a si.

Image result for aung san suu kyi

Aung San Suu Kyi le President Win Myint cu February 1/2021 zing ah Ralkap nih an umnak ah an va tlaih hna, cun nihin tiang an mah Ralkap hrennak taang ah an um. Cu hnu ah President Win Myint cu Covid phung a buar tiah taza an cuai, cun Daw Aung San Suu Kyi zong a inn ah Radio le Hand phone an hmuh caah Export le Import law in taza an cuai ve.

Nihin ah an pahnih tein biaceih zung ah Video in biahalnak an ngeih hna, cu ahcun Daw Aung San Suu Kyi cu case thar an serpiak chap i kumruk chung thongtlak khawhnak lam an kawl hi asi. Note: Irrawaddy News ah fiang tein a tial mi asi, a tawinak le a fiannak bik in kan rak leh mi asi. Ref: L.K.J

Leave a Reply