Generation Z pawl Ralkap doh in sandah a piahtu hna: Guitar iput ulaw lampi ah concert tuah pah u! Ralkap dohnak au-aw kha hla in sa u! DRUM le Khuang zong iput ulaw lam pah u! Ralkap nih an fialmi hna Misual le buainak chuahtertu an um ahcun hrial hna u! I hngalhter hlah u! Kawlram pumpi zalam kip kha concert hmun bantuk ah caanter dih u!

khuate kip a simi paoh kha nan Khua cio ah ipum ve ulaw sandah piah ve u! Pictures le video kha Facebook le social network sites kip ah thlah u! Khuate ah sandah nan piah zong kha Vawlei kili in kan rak hmuh khawh viar caah hmual a ngei tuk.

Ralkap nih meithal puah an duh tuk caah buainak ser an duh. Cucaah misual an thlah hna kha a si. Cucaah Ralkap rap ah ifawih hlah u! Lion Pi hmanh rawl ttam in a um tawn bantuk in Kawl Ralkap cu an Rawl a ttam colh lai. Pam nih a tlunh cuahmah cang hna. An companies a rawk lai. An Phaisa a reu lai.

Israel miphun nih muko he Jericho an hel i, Jericho Walls pi, amah cim in a cim bantuk in Guitar le thongluai he salam ah nan aumi nih Ralkap hna cu Rawl ttam in a chiah hna lai i, anmah le anmah lila an ido te lai i, an tlu te lai. Credit: By Zasang Cinzah

Relchih: 𝐏𝐚𝐭𝐡𝐢𝐚𝐧 𝐍𝐢𝐡 𝐀 𝐊𝐚𝐧 𝐏𝐡𝐢𝐥𝐡 𝐇𝐧𝐠𝐚 𝐌𝐚𝐰? Zumtu ka miphun hawi hna. Ralkap kuttang ah saltang bang sifah retheihnak le harsatnak chan khat hnu chan khat tuar lengmang hi Pathian nih a kan siang hnga maw? Pathian nih a dawtmi zumtu a fale vialte hi a kan hlawt cang hnga maw! A kan philh cang hnga maw?

Bawipa bia hi ngai ve tuah! “Nu nih a fa cu a philh kho hnga maw? A chungchuak cu daw loin a um kho hnga maw? Nu nih hin cun a philh hmanh a philh ko hnga, sihmanhselaw kei nih cun kan philh bal hna lai lo”. (Isaiah 49:15). Amen! Kan biakmi Pathian nih kan caah a tha bik a timi ningin khua a khan ko lai. Pathian min thangthat si ko seh! Amen. Cattialtu: Abraham Sang Nawl