Ralkap nih Laimi Kan Nunnak Vanpang An Chimh!

Chin News

Ralkap nih Laimi Kan Nunnak Vanpang An Chimh! Hakha kan Sii Innpi cu ralkap nih an kan chuh ai. Ro cuh bantuk ah ka ruah. Lungthin nih a celh hin lo. Zeicahtiah Laitlang pumpi kan zawtfah caan ah kan fuhpanh ciomi Sii Inn a si. Nihin ah cun ralkap nih kan ram kan hmun cia ah kan Sii Innpi cu an kan cuh I Sii Inn riantuanmi zong an thawl dih hna.

May be an image of sky and tree

CDM lutmi poh chuak uh an ti nain Sii inn ummi an dihlak ti awk an si ko. Mizaw zong an zawt bu he inn an tin termi hna hmuh hrim cun ngungui thlak tah a phu. Ruah ah lungthin le nunnak a ngeimi poh nih celhchuak si lo. Minung chim lo kan lai vok le ar tiang an lung a fak hrimrhim lai.

May be an image of one or more people, people standing and indoor

Jerusalem vanpang a rawh bantuk khi a si. Kan nunnak kulhtu kan vanpang a si. A nung kan khuazing Pathian nih a kan zoh sawh lai lo ti ka zumh. Sang Fen Sang Ling Nawl Tling le Van Lo hna Pathian nih kan umpi ko seh. Credit: Saya Tluang Ceu Thang

Relchih: Nihin Hakha ralkap cawlcangh ning rel ahcun ngaihchia taktak khi si ko. siizung mizaw vialte zong an chuahter dih Hna! Hakha sizung ah a ummi mizaw vialte zong ralkap nih an chuahter dih hna. Mizaw hi 20 in 30 karlak hrawng an um. Nau ngei kaa nu pahnih lawng sizung ah an taang. Annih hi pawkhuai in nau a ngeimi an si caah sizung in ttumpi awk an ttha rih lo.

Leave a Reply