Ralkap nih kahmi Salai Do Suan Kim cu tuni a ruak vui a si

Chin News

Kalay ah Ralkap nih an Kahmi Do Suan Kim Ruak Nihin ah an Vui. March 17, Kalay ah meithal kahnak in a nunnak a liammi Do Suan Kim (kum 19) ruak cu nihin zanlei ah a chuahkehnak Tedim peng, Theizang khaute ah an vui, tiah theih a si. Source: The Chin Journal, March 19, Yangon

May be an image of 1 person, sitting, standing, outdoors and tree

Kalaymyo lawmzawhnak ah Chinmi 3 an ralkap nih kahthah an si hna. Kalaymyo ralkap uknak duhlo lamzawhnak ah Chinmi 3 nih an nunnak an pek, tiah kan theih. A nunnak a liammi hna cu:
1. Salai Cung Lian Ceu (kum 25)
2. Pu Cin Khanh Mang (kum 27)
3. Salai Do Suan Kim (kum 20), hna hi an si.

Salai Cung Lian Sang hi Kalaymyo, Taungphila sang ah ah khua a sami a si. Pu Cin Khanh Mang hi fa pathum a ngeimi a si i, Khaikam khua ah chungkhar he khua a sami a si. Salai Do Suan Kim hi Tedim peng, Tezang khuami a si. Source: The Chin Journal

Thawngpang dang rak rel chih: Myanmar ramchung buainak ruangah ramchung mipi cheukhat cu India ram lawng si loin Thailand ram tiangah a zaammi an um cang i Thailand ramchung ah lut kho loin a ummi hna hi a milu in minung 1000 hrawng an si i Karen ralkap KNU umnak hmun ah an i dor hna tiah KNU lei nih mipi sinah theihternak an tuah.

May be an image of one or more people, outdoors and text that says "RFA"

KNU umnak (sakhan) ah dormi hna cu ralkap le palik ah ummi an si hna i CDM an tuah ve ruangah a nunnak caah a him lomi, hlutdaw palai, sibawi le minthang cheukhat pawl zong an i tel tiah KNU ramdang palai Phado Saw Taw Ni nih thawngzamhnak pakhat Reuters sinah a chim.

Cu lawng hmanh si loin KNU palai U Phado Saw Taw Ni nih Karen ralkap KNU dirhmun in CMD a tuahmi pawl an dirpi hnanak le ralkap uknak duh loin lamzawhtu hna mipi pawl an dirpi hnanak le an sinah humhimnak a kawlmi a rak dormi hna cu an cohlan hna i an kilven, humhim hna lainak zong a chim chih.

Thailan zong nih Myanmar ramchung i a him lo tuk ruangah an ram a rak zaam hna cu umnak tampi a tawlrel piak hna i ramri (Myanmar he an i ramrinak) cu ṭha tein a zohkhenh kilveng zungzal. Cun, Thailand ram i a lutmi paohpaoh umnak nawlpek dih an si hlei lo i Myanmar ram ah an himnak lonak kong le zeiruangah dah na zaam timi felfai tein thil sining an hal hmasat hna ti a si. Aruang cu rampi a buai hlanah rianṭuan duh men ruangah Thailand ramchung ah thli tein a lutmi an um lengmang caah a si. Chirhchan: RFA

Leave a Reply