Ralkap Cawlcanghnak Ruangah Thantlang Mipi Lung Rethei In An Um

Chin News

Breaking_News! Thantlang khualu ah meithal an puah. 2021 March 4 zaan 9:10 PM hrawng ah Thantlang khualu phungki sianginn chak Ralkap sakhaan in meithal zuun ruk hrawng an puah tiah kan theih. “Atu naite suimilaam pakua le minutes 10 hrawng ah khan kan in chak Phungki sianginn chak Ralkap a lei in meithal puah thawng kan theih i kan lau ngai.

May be an image of sky

Zuun ruk hrawng cu a si lai “tiah Phungki sianginn thlang um mi nu pakhat nih The Hakha Times ah a chim. Hi kong he pehtlai in thawng a theitu nu nih “Ralkap sakhaan lei in a si caah Ralkap nih khuami lamzawh mi hna kha tih hna seh, ti phun in an kan thihphaihnak si dawh a si “tiah a chimchap.

Meithal puah kong ah khuami pakhat nih “An puah caan hi 9:00 PM hlan deuh hrawng ah a si ko. Meithal hi zuun 20 hmanh an puah men ko lai. A voi tam ngaingai “tiah The Hakha Times ah a chim ve. Thantlang ah hin March 4 zaanlei ah Ralkap motor pakhat in an rak phan tiah Sangmi sin in thawng kan theih. Credit: The Hakha Times

Relchih: Thantlang le Hakha ah Chinmi police a ttuanmi vialte hna, nan naule sandahpiahmi CDM a tuahmi hrem le tuk cu nan duh lo. An cung ah kuttlak cu nan ithlachiat. Kan in upat hna. Asinain nan cung lei in order a um fawn. Nan dirhmun a har tuk.

Cucaah Mizoram ah zaam ulaw Ramleng leng ah a ummi nan miphun hawi nih kan in zoh sawh hrim hna lai lo. Min Aung Hlaing nih Mipi a control kho ti lo caah Chin state police cu Kawlram ah kuat in Kawlram police tu Chin State ah von kuat tthan tbk in police force cu meithal kuan ah hman a timh cang hna tiah thawng a chuak. Credt: Zasang Cinzah

Leave a Reply