Ralkap Caah Lam A Pit Chin Lengmang Cang! Myanmar Aiawh UN Palai U Myint A Rian In Bang! Nikhat hnu nikhat in Min Aung Hlaing hruami ralkap caah thawngchia nih a tlunh chin lengmang cang ko hna hih. Myanmar aiawh nih UN palai (Representative of Myanmar to the Unites Nations) cu a rian in a bang tiin foreign ministry lei rianttuantu minung pakhat nih a chim phuan. Hi konglam a chimtu nih amah in langhter a duh lo caah VOA ah a chimnak hi si.

Atu bantukin a rian a bantak mi ruangah Myanmar-ah tlunter in a rianttuanmi thlenpiak a si fawn. Hi kongah Foreign Ministry order internet biathil a chuakmi nih a langhter ning ahcun U Myint Th hi foreign ministry lei nih faak piin sualphawt a si.

U Myint Thu nihhin kan hnu thla ah khan U.N human right council-nih Myanmar ramchung buainak kongkau i ceihmainak an ngaih lio ah khan ralkap lei dirkamh in bia tampi a chim. Cu ruangah U Myint Thu cu faak piin soisel le thangchiatnak tampi a tong. Credit: VOA Burmese.

Relchih: Mipi caah thawngttha si lio ah Myanmar ralkap ca ahcun thawngchia taktak si cang. Nihin ah khan Facebook company nawlngeitu hna nih Myanmar ralkap nih an hmanmi Facebook page le anmah nih an zohkhenhmi page vialte cu a remove (a thahpiak) dih hna. Cu lawng si loin Facebook he aa tlaimi pakhat “Intasgram” lei zong in an remove piak dih fawn hna. Cu lawng si loin ralkap he pehtlaihnak a ngeimi company-pawl zong nih advertise an ngeih mi vialte cu an phih-kham dih fawn hna.

Kan theih bantukin ralkap nih uknak an lak hnu in Facebook hi hmang kho lo dingin an phih len. Asinain mipi nih VPN hmangin an hman khawh. Myanmar ramchung ahhin January 2020 tiang ah khan facebook hmangtu hna hi minung 22.3 million an um i, ram mipi 40% nih an hman tiin social media management platform NapoleonCat nih cun a langhter. Credit: Mizzima, The Hindu.