Ralhrangbu Le KNU I Kahdohnak Ah Ralhrang Athimi Zat Fiangtein Langhter Asi Cang
Ralhrangbu Le KNU I Kahdohnak Ah Ralhrang Athimi Zat Fiangtein Langhter Asi Cang. KNU hmunhma ah a luancia mi August thlakhat chung ralhrang he i kahnak ah ralhrang lei in 166 an thi tiah KNU September 2 ah an thanh. KNU hmunhma a simi Dutathu pengkomh Brigade 1,Tawbgngu Brigade pengkomh 2,Ngianlaypin pengkomh Brigade 3,Mutaw pengkomh Brigade 5 le Dupalazia pengkomh Brigade 6 ah rallei cawlcanghnak ruangah i kahnak a chuah hi a si.
KNLA,KNDO le ralhrang i kahnak voi 210 leng a si i cu chubgah Brigade 5 hmunhma ah voi 180 leng a si. Hi i kahnak ah ralhrang lei in 166 an thi i 101 hlian an si,ralhrang kut in mipi 3 an nunnak a liam tiah KNU nih an thanh. Mah thawngpang hi tuzing bak ah an thanh mi asi i mipi sinah share cio hna usih! The chin post
Thawngdang Chin ramkulh, Palatwah peng Sami ah ralhrang phu hna nih lam an phih caah eidin ngeilo in kan um cang lai tiah khuami hna nih an chim. Sami khua ahhin minung 50000 hrawng an um, ralhrang phu kar le AA kar kahdohnak ruangah ralzaam dirhmun in riahbuk ah a ummi minung 5000 hrawng an umnak khua zong a si.
Sami khua nih hin zeilei poh ah Matupi hi kan i bochan hna, atu Mindat ah kahdohnak a chuah caah , Pakokko-Mindat-Matupi lam cu hman a ngah lo. Pakokko- Gangaw-Razua lei kal a ngah rih ko. Atu ah lam phih a si caah eidin herhhai an dih cang lai, phaisa um zongah cawk ding a um lai lo” tiah Sami khuami pakhat nih a chim.A luancia August thla in Sami lei kalnak lam hna cu an phih hi a si.
Facang tunkhat ah 35000 in cawk tawn mi cu 70000 hmanh in cawkkhawh a si lo, datsii liter pakhat ah 1000 in cawk tawn mi a tu ah 3500 a si cang, cu zong cu caan tlawmpal cun a dih ding an si cang.Ralzaam dirhmun in riahbuk ummi hna cu WFP nih bawmhnak an pek hna caah atu tiang cu an tlam tling rih” tiah khuami pakhat nih a chim. Sami khua cu Palatwah peng he meng 39 a hlat nak hmun a si, cu ka lam cu ralhrang phu hna nih gate chia in umkal an phih caah ,meng tamtuk a hlat nak Pakokko-Mindat-Matupi -Sami lam in an um kal na in, a tu ah cun cu an hman mi lam zong in cun umkal a har cang tiah theih a si.