Ralhrang Thil Tuahmi Vialte A Phuan Dih Cang

Myanmar News

CNN nih Min Aung Hlaing ralhrang pawl an sualnak kong tuksapur a phuan tthan cang. Naizarh Friday ah Min Aung Hlaing ralhrang nih Bago mipi hna cu zing ka tuan taktak in an kah hna i minung 80 leng an thi i, 200 leng an tlau rih. Cun hliamtuar zong an tam ngai ngai ti asi. Mithi ruak 57 leng cu ralkap nih an lak i chungkhar hna cu Phaisa in mithi ruak an tlenhter hna tiah CNN nih cun a tarlangh hi asi.

“Myanmar’s military is charging families $85 to retrieve the bodies of relatives killed by security forces in a bloody crackdown on Friday-CNN”. Tuksapur ngai a si mi cu “Min Aung Hlaing hruaimi ralhrang pawl nih mithi ruak le hliam a tuar mi cu hmunkhat bak ah an chiah hna, zaan khuadei hliam a tuar mi pawl cu mithi ruak lak ahcun an um ve. Cun Ralhrang pawl nih mithi ruak, a thi cang mi cu duh paoh in an chuih, thing pon bantuk in an pom hna” ti a si.

Ralhrang lei nih “Nan unau mithi ruak lak a duh mi cu Phaisa nan liam a herh, cun mithi ruak laknak ah Phaisa kan liam timi hi zeibantuk media sin hmanh ah nan chim lai lo” tiah biakamnak an tuah ter hna ti a si fawn. Kawl mipi cheukhat nih cun mithi ruak pakhat ah ting 2 a liam mi zong an um, a cheu cu tingkhat le a cheu an liam ti asi. A sinain CNN nih cun Dollar in 85 hrawng an liamter hna tiah a langhter fawn. Mithi ruak tiang chungkhar sin ah an zuar cu a poi taktak khi asi ko cang.

Relchih: KIA nih Myanmar Ralkap Sakhaan Pahnih an Lak Than! Kachin ramkulh, Moemok peng chung ah KIA nih Myanmar ralkap sakhaan pahnih cu nizan zanlei ah an lak, tiah theih a si. Sakhaan pahnih an lak hnu in Myanmar ralkap lei nih miakpi in mipi umnak tiang kahthlork in an kah i khuami pathum an nunnak a liam, tiah Kachin tualchung thawngpang pawl nih an langhter.

May be an image of military uniform and outdoors

“Atu tiang meithal puah thawng pawl a pikpak in an thang lengmang rih ko. Myanmar ralkap lei a thimi le hliamhma a pumi pawl motor in an thiar lenmi hna kan hmuh,” tiah khuami pakhat nih Kachin thawngzamhnak ah a chim. March 25 ah abiapi ngaimi Myanmar ralkap sakhaan Alaw Bum cu KIA nih an rak lak i, cu caan thawk cun kahdohnak a fak chinchin. Nizan zong ah Alaw Bum sakhaan lak tthan ding in Myanmar ralkap nih Fighter vanlawng pahnih in an kah hna. Asinain atu tiang Alaw Bum cu KIA kut cung ah a um rih. The Chin Journal

Leave a Reply