Good News: Ralhrang Pawl Caah Lautu CDF Nih Thawngtha Taktak An Thanh. CDF-Lautu sin ah fonh a duh mi (aa fon mi) SAC ralkap le palek pawl cu a herh mi dihlak tuanvo lak pin ah tangka sing 50 (Ks.5,000,000) pek nan si lai tiah an thanh. Mah konglam hi tha hakha time nih athanh mi asi i athei rih lo mi tete zongah share cio i zuam hna usih law atha tuk lai. Pakhat le pakhat i theih ter khi atha cem mi cu asi.

Thawngdang Chainmyatarsi(ခ်မ္းျမသာစည္) ah swab lak lio mi pakhat tel in minung 13 cu Covid-19 zawtnak ruangah an nunnak a liam Mandalay ramthen, Chainmyatarsi(ခ်မ္းျမသာစည္)peng September 1 ah,swab lak lio ah nunnak a liam mi Covid zawtnak a ngei lai tiah lunghrinh mi tel in Covid-19 ruangah minung 13 an nunnak a liam tiah Mandalay mibawmchan tu phu sinin theih a si.

Mantawng(မန္းေတာင္ရိပ္ခို) Covid-19 cawnghhramhnak center in Covid mizaw pakhat, Mandalay sizung pi in minung 7, City hospital in minung 1, Ganhgaw(ကံ့ေကာ္) sizung in minung 1, khuachung in minung 1 le Covid-19 zawtnak ngeilai tiah lunghrinh mi mizaw pahnih cu an nunnak a liam. Atu langhter mi Covid zawtnak ruangah nunnak liammi hna cazin cu Mandalay khuachung mibawmchan phu cheukhat hna sinin theih mi a si.

Mandalay ramthen chung Covid-19 zawtnak ruangah nunnak a liam mi July thla chung minung 2000 leng an si,cun August thla chung ah minung 700 hrawng an si tiah theih a si. Nunnak a liammi hna chung in tamdeuh cu kum upa deuh mi hna le, zawtnak phun dang a ngeicia mi hna an si, cun sii-inn ah a zohter kho lo mi hna, sii-ai lei harnak a ngei mi le oxygen chambau ruang ah nunnak liam mi hna an si Ralhrang kuttang ngandamnak zung nih September 1 cathanh chuah mi ah Mandalay ramthen chung Covid zawtnak aa chawnh mi minung 16 an um tiah a langhter. Mandalay ramthen chung peng 20 ah Stay At Home ding in rikhiah a si.

#DVB