Salai Peng Hlawnceu: Ralhrang nih Timit hlei remh an timh mi a ruang tiah ka ruahmi. 1. Thantlang kh7achung ummi ralhrang pawl an kuanzen le tirawl a dih cang caah bawmhchan lo cun fimhlom zau an tong lai ti an phan caah.

2. Thantlang khi fimhlom le lak asi ahcun kan ram pumpi ah peng pumpi in aluat hmasat mi asi lai tikah ralhrang zangdernak le mipi tha ţhawn tertu asi lai ti an ţihtuk. 3. Tukum chungah(mipi thinlung a ţhawnbik can lio) ralhrang hi an hmunkhuar in kan ţhawldawi khawh hnalo ahcun pau a chuah in thazang lak i Thantlang peng khi cul an timh. Cu an timhtuahnak i a hrampi le a muru cu Thantlang asi.

Cucahcun tutan hitluh furpi le ralsung bu le mipi ralkap nih congh/hngah ko buah Timit hlei remh an timh hicun an caah “No choice” asi caah asi khomen. Hilio teah cawl kholo in kan tuahhna ahcun kan tei taktak hna khi asi lai.

Thawngpang dang: American President Joe Biden le China President Xi Jinping cu 28 Chiapa ah suimilam 2 leng caihhmainak an ngeih ah Taiwan kong, Ukraine cungah Russia nih a luhhnawhmi kong, chawlehnak kong hna an caih.

Caihmainak chungah Taiwan kong he pehtlai in American hmuitinh a thlengmi a um lo tiah President Biden nih a chim bantukin, China President Xi nih Taiwan kong ah American cu ralrin a peknak kong biaruahnak an ngeih dih hnuah an thanh. Taiwan kong he pehtlai in American hmuitinh a thlengmi a um lo i, ramchung ah daihnak le hnangamnak rawhral timhnak thil tuah timh cu fak pi’n ka dohkalh tiah American lei nih an thanh ve.

China President nih cun Taiwan kong he pehtlai in mei a lenhmi cu a hnuah mei hliam a tuar ko lai, hihi cu American nih ai fiang ko lai tiah zumhnak ka ngei ti’n China media sinah a chim. American House Speaker Nancy Pelosi Taiwan ah kal timhnak kong he pehtlai in American le China an karlak dirhmun a linsat lio ah ramhnih hruaitu biaruahnak an ngei.

China Foreign Affair Ministry chimnak nawlngeitu Zhao Lijian nih cun American House Speaker Nancy Pelosi Taiwan kal a timhmi cu fak pi’n a dohkalh, American Pentagon Press Secretary John Kirby nih cun China he pehtlainak lampi on ding President Biden nih a tuah a hau tiah a chim.v