Ralhrang Nih Khampat Sakhan Hlun An Laak Timi Kongah Update

Chin News

Ralhrang nih Khampat an sakhan hlun an laak timi kongah Khampat lei a rak fuhmi ralhrang hna kong kan rak thanh tawn, ralhrang 200 tluk tiah kan rak theih caah kan thanh, mah hna cu  Khampat um ralhrang sakhan  hlun ah an rak lut tiah khika lei sin in kan theih.

Mipi ralkap nih Khampat sakhan  an rak laakmi cu, JCB in an hrawh dih, nain mah sakhan hlun hmuntthing ah ralhrang cu an rak lut cang tiah khika lei sinin kan theih tikah Khampat an sakhan hlun cu ralhrang nih an laak,an rolh tiah kan ttialnak a si ko.

Ph line hi duh ningin a that tuk lo caah le, khika kiangkap um cio hna hmanh an theih ning aa dan pah tikah biafiang cu a hun lang zau dingah ruat ko usih. Ph line hna a vun tthat deuh tikah biafiang a hun um zau te ko lai. Aruang cu khika lei MPT line an thah dih tikah duh in thawnglaak a vun har deuh.

Khampat khua um ralhrang sakhan hlun a rak lut hna ralhrang dihlak hi 70 tluk an si lai tiah kan theih. Phu 2/3 ah an i tthen le tthen lo bel fiangin kan thei kho lo i, tutiang theihmi ah cun 70 tluk hrawng an si ko rih tiah kan theih. Ref: William Hlawnceu

Thawngpang dang: Mu khuachung kahdohnak ah ralkap 120 an thi i 50 an i hliam tiah KNU nih an fehter. KNU Brigade 3 hmunhma, Mu peng chung, 2023 December 2 zaan sml 11:00pm ah KNLA le dothlennak phufonh nih Mu khuachung ah a um mi ralkap sakhaan pawl an kah hna hi a si.

Operation an thawk ni December 2 in December 7 tiang chung ah ralkap nih hmunhma an khuarnak IB 590 Headquarters, Mu khua myoma palek sakhaan le Kawpin palek sakhaan hna an lak khawh i IB 599 Headquaters le Muthasi hlei hna cu an hrawh khawh. Kahdohnak pawl chung ah ralkap 120 an thi i 50 an i hliam tiah KNU kahdohnak lei thawngzamh nih a langhter.

Leave a Reply