Ralhrang Nih Kalay Mipi Khoi Ka Hmanh Nan Tli-Zaam Kho Lo Tiah An Hro Cang Hna

Myanmar News

Kalay khuapi chung ah a um mi SAC ralkap kuttang pyusawhti khuami vialte hna cu a rannak in Kalay khuapi chuah tak ding in Kalay mipi uknak phu nih theihternak an rak tuah. Cu he pehtlai in SAC ralkap Sanpiah khua pawng um No. 228 Battalion nih cun ahohmanh Kalay khuapi a chuahtak mi cu nan innlo kan khangh dih lai tiah an hrocer ve colh hna tiah theih a si.

Kalaymyo khuachung hi sang (Ward) 20 an um. Mah cu ah 1.Nyaung Pin Thar sang, 2.Pin Lon sang, 3.Aung Thit Sar sang, 4.Aung Min Ga Lar sang, 5.Tar Han sang, 6.Mingalar U Yin sang, 7.Aung Myay Man sang, 8.Aung Zaya sang, 9.Chan Myayt Aung Si sang, 10.Tat U Thida sang, 11.Thazin sang, 12.San Myo sang, 13.Taung Phi Lar sang, 14.Taung Zalat sang, 15.Gyo Thone Pin sang, 16.Hlaing Thar Yar sang, 17.Myo Hla sang, 18. In Daing Kone sang, 19.Myo Thar sang, 20, Taungngo-Pyinthar sang hna an si . Village Tracts (Ohsuh) khuakomh 41, le village (khuate) ah khua 185 an um.

Atu hi SAC ralkap nih cun Kalay khuapi ah ai chawklet mi Bogyok lam le Tahan Letpanchaung lam pial hrawng le Taungphila sang, Hmunlai sang, Tahan sang, Taung zalat sang, Sanmyo sang, Gyo Thone Pin sang, Myo Hla sang, Tat U Thida sang, Thazin sang pawl hi Chin miphun umnak sang deuh ah  fak ngai in an chekhlat hna i a cheu cu phaisa thong 20 in Sing 1 tiang pek an hau tiah tualchung mi nih an chim.

Kalay pengkomh ah peng (Myo-ne) Pathum an um. Mah hna cu 1.Kalaymyo, 2.Kalaywamyo, 3.Mingkin myo hna an si. Kalay pengkomh um peng 3 milu dihlak 509,368 ah pa 245,444 le nu 263,924an um. Kalay pengkulh chung um khuachung um mi sang (Ward) ah 25 an um. Village Tracts ti mi Ohsuh ah khua 138 an um. Village (Khua te) ah khua 506 an um. Pengkulh chungtel 55% Buddhist, 40% hi Khrihfa, (Baptist an tam) le 5% cu biaknak dangdang hna an si. Biaknak lei in cun District chung ah 116 Buddhist biakinn (Monasteries) 508 Khrihfa biakinn, Muslim(mosque) 1  Hindu Temples 2, le Tuluk temple timi hna an um.

Kalaymyo peng ah milu 345,516 an um. Biaknak lei ah Buddhist 183,538, khrihfa 160,195, Hindu 1,025, Islam 622 le biaknak dang 136 an um. Kalaymyo hi Chin miphun a tam-u an umnak a si kha ka langhter cang. Kalaywa le Minkin peng kong cu ka langhter ti lo. December 15 ni hlan hrimhrim ah nan umnak nan chuah tak dih lai tiah mipi uknak phu ni cathanh an rak chuah caah Myomah palek sakhan pawng um le ralkap battalion pawng um cheukhat cu hmun dang an i thial hna.

Kalaymyo peng chaklei um Pyusawhti khuakhat ah minung 10 an auh hna i ralram a kalduh lo mi nih anmah aiawh in midang nihlawh kyat 25,000 pek in ralram an kal ter hna tiah Kalaymyo mipi ralkap sin in theih a si. “Kalaymyo nichuak lei um Taungyo le Pintha Pyusawhtii khua 2 hna nih SAC he bawm in kan khua thilri an  fir/an kan lak piak. 2015 kum Kalaymyo tilianh lio ah an khua 2 hi Myitta tiva pawngkam a um mi khua an si. Tiliangh dornak ah an khua 2 mipi vialte nih khua an rak chuah tak dih.

Cheukhat cu Thasi khua ah sau lak te an rak i dor, an minung lawng si loin an zuat saram tiang ei in le ngandamnak tiang Thasi khua nih kan rak zohkhenh hna. Atu an kan kah, an kan thah rih, kan inn mei an kan khangh piak hlei ah kan thilri an duhpaoh in an lak hi kan lungfak ko” tiah Thasi khuami sin in theih a si. Thasi khua kahdohnak ah SAC hriamngan kuan chung ah Chemical Weapon (ဓာတုလက်နက်) a tel caah mipi 20 leng sii an thlop lio hna tiah mipi ralkap sii lei riantuantu nih a rak langhter. Ref: TCP

Leave a Reply