Ralhrang Minung Bak An Thah Than Hna

Myanmar News

Bago ramṭhen, Phyo peng, Nyaungbinthar Palek sakhaan cu KNLA, PDF telh in dothlennak phu pawl nih December 13 zinglei ah an kah i sakhaan an lak khawh. Kahdohnak chung ah palek lei 30 hrawng an thi i palek sakhaan zong an khangh beh tiah Royal Peacock Column nih an thanh.

Nyaungbinthar palek sakhaan lak kahdohnak chung ah RPG kuan 21, RPG zen 17, 9MM kuan 80, 60MM bom 27, G2 zuun 1, G3 zuun 2, BA 94 hriam 2, MA-13 zuun 1, Tear Gas Gun 2, Grenade 6, G3 kuan 231, 5.56 kuan 143, kutkhihnak 4, laptop 1, tear gas bom 46, aww bom 1, kuan khamnak 2, luchin 5, G3 kuanbawm 6 le adang kahdohnak thilri tampi an lak khawh tiah theih a si.

Kahdohnak a dih hnu December 13 zinglei sml 8:30am hrawng ah Phyo peng, Kanyotkun ni chuahlei, Taminkun khua cu kahdohnak vanlawng in bom lung 2 an thlak tiah theih a si.

Thawngpang dang: General Min Aung Hliang Nih A Sualnak Midang A Puh Hna. Kahdohnak lei le Sipuazi lei ah harnak a phunphun a tong mi ralkap hruaitu Min Aung Hlaing nih a palhnak cung ah tuanvo la duh lo in midang sual a phawt hna. Atutan Myanmar ram buainak kong ah mi tampi kha sual a phawt hna.

Ramdang in Drone a thiam mi pawl, NUG cozah kuttang riantuan mi pawl le mipi sawhsawh kha sual phawtnak cazin chung ah a telh hna. Myanmar mipi hna nih lungtak in rian an tuan lo caah a si tiah a chim. Myanmar ram ah kokek vawlei tang chuak hmansung thilri tampi a chuak i khuacaan a tha tuk ko nain mipi hna rian an i zuam lo caah sipuazi lei hnu kan pil tiah a chim.

Sual a puh mi hna cazin chung ah a thar aa tel mi cu 2011 in 2016 tiang cozah a tlai mi U Thein Sein a si. President hlun U Thein Sein hi Myanmar ram sipuazi a tlaknak ah tuanvo ngeitu bik a si Min Aung Hliang nih a chim.

Leave a Reply