CHIN Pastorte Tampi cu Maurop I tlaih sual bantuk an si. Col. Solomon Thang Din. Na hngalh rua lo Kawi Rual, KRIFA le Tlangcung mi cihmih awkah MAH nih an kan doh ti hi. Kawl Luban kip zong cu thotho. Adam nih Eve kha a hngalh I Cain le Abel a hrin hna ti tiang in kan hngalh a herh. Kawl Biaknak le Phungki rual cu hnu lei ah kahcham Bantukin an dir I, Rallokap kha meithal he hmai ah an thlah hna. Ralhrang nih an kan TEI ahcun: Buddhism mission biatak tein le zalon tein a ṭuan lai caah KRIFA le Zumhtu kan him hrim ti lo. Kan tlaulan dih kho, kan cihmih kho. Pathian pennak le Khrih Thawngṭha Gospel hrawk awk ah le cihmih awk ah MAH le Ralhrang Rallokap an ra ti hi CHINMI vialte nih Pakhat hmanh bau lo tein kan hngalh a herh. CHINRAM ah Buda Biaknak karh sehlaw, Krifa kan karh a ti khawh tu Pastorte nan um ahcun nan kut kan thlirh piak ngat uh.

Kut lawng in ara mi Buda Mission Naṭala hmanh kan ti khawh lo khah. Naṭala ruangah, Chinram ah Buddhism Mission tampi an karh cang. A karh rih lai MAH ruangah. MAH cu Hriamnam he Buddhism mission caah a ra. Hriamnam kan I tlaih bu hmanh in kan namh khawh lomi Ralhrang le Phungki cu kut lawng in nan zuang hnawh ngam ko lai maw Pastorte? Ninghngalh tuk in Bible he ka chuak hnawh lai na hei ti ve. Na Bible le Nangmah he lo ko in an in kah hna lai. Na loh lai. Bible he MAH le Ralhrang a chuakhnawh ngam mi, Prophet Elijah bantuk Pastorte nan um lai maw? CNA / CDF / CNDF hi Pathian le a ram caah ral an doh ti hngalh lo tiang in zei Khuachia nih dah nan chung ah a lut ve? Zei Limkeng nih dah an hamh hna?

Kum 80 dengmang Kawlram uktu kip nih Buddhism le Ralhrang sining he an kan uk. Uktu dang cu Buda Biaknak kha cungnung bik ah an chiah I, Buda mission an karh ter cio nain, Meithal ngaingai in Kawl Biaknak Mission an ṭuan lo. U Nu nih Buddhist cu rampi biaknak ah a tuah. Ni Vung nih Buddhism le Burmanization Mission in a kal. Thang Sui nih Naṭala Mission in Buddhism Mission a ṭuan. Kawl Biaknak a karh ter. Cucaah a tefa an rum I an nunkhua asau tiah Phungki rual nih an zumh I, an upat. Phungki le Buda Biaknak ah Thang Sui chungkhar an par. DASSK le NLD nih Naṭala Mission an pehzulh I an ṭhancho ter. Sihmanhsehlaw, a hohmanh Biaknak Luzik ah an I chiah ballo. An pennak zungzal hmun awk ah le anmah cu: Kawlram zungzal SPH kan si ti hmuhsak nak puai cu an tuah cio dih. Pura minthang ah SPH Chiti thuh puai an tuah lo mi an um lo. DASSK zong atuah ve. Rangoon Uktu Kio Phio hmanh a tuah ve.

MAH a sualbik kan ti nak cu: Biaknak Luzik zong Keimah ka si tiah, SPH Chiti thuh puai a tuah, amin ah Kawlram cungnung bik sinak aa pek. Phungki Liannganbik nih Kawl Pura ah puai an tuah piak I, Degree an pek. Biaknak, Uktu, Rallokap le Kawlram mipi vialte caah zungzal SPH, Biaknak Luzik, Ralkap Luzik ka si tiah a min ah, Ekah Maha Thazi Sithu Thiri Tukdama Ming Aung Hlaing tiah amin cu asi. Amin vialte hi 9 an si. Buda biaknak ah hlawhtling awk ah a ṭhabik mi le anmah Lucky 7 cu Nambar 9 asi. Krifa caah Nambar cu 7 asi I, Satan caah Nambar cu 6 asi. 666 cu Sahrang Nambar asi. Kawl miphun le Buda Biaknak caah Nambar cu 9 asi. Maha hi Mirang nih GREAT an ti. Ekkah Maha ti cu Great Of The Great tinak asi. Vawleipi ah Keimah MAH bantuk Great timi minung an um ti lo tinak asi. Krifabu le Mission hrawk awk ah Nambar 9 he ara mi MAH asi. Phungki le Buda Mission hlawhtlin ter awk ah Meithal hriam tling he an kan rat hnawh mi, an kan pawn chuak mi Kawlram Rallokap an si ti hi CHINMI nih hngalh cang usih.

Krifa le Tlangcungmi cihmih awk ah MAH nih hriamnam 1300 million man a cawk cang. Paucan Dohthlennak ah, Ralhrang nih kal hnawh in an doh bik ram cu Krifa an tam bik nak CHIN, Kachin, Kaya le Karen ah asi. Biakinn tampi an hrawk, Pastorte tiang an kan thah piak. PDF umnak ah timh ciammam tein Rallokap nih ral an doh ballo. PDF zong nih CDF CNDF Bantukin a tuk ve hna lo. Phiang kum Bantukin an tuk tawn hna khi a tam deuh. Chinland le Kachin Ramri velchum PDF hna lawng khi Tlangcung mi PDF le CDF / CNDF Bantukin an tuk hna. Krifa ram kha Hmaisuan in an tuk ko ti cu elh awk a ṭha ve ti lo. Zeitintiah KIA, KNDF, CNA, KNU, KNLA – PC nih Ramri um PDF cu raltuk an bawmh hna. Cucaah CDF CNDF Bantukin Rallokap nih an tuk ve mi hna asi. Tlangcung mi kahcham le Hauhraung an si ati. Tlangcung mi PDF, CDF, CNDF hna: an tei ahcun Kawlram cu TEI cia asi tiah MAH nih a tuak. Kalay Kabaw Gangaw le Sakai Makui PDF an thawngṭha tuk mi khi, CNF Strategic plan asi ti zong kan hngalh cio ko lo maw.

Ralhrang MAH nih an kan doh tikah ahmang mi Tactics hna hi: Buda Biaknak le Phungki, Kokek kawl zumhnak: Camhthiam le Doithiam hna: Kutlam zothiam hna: tbk tiang a hmang hna. Buda biaknak Luzik le Camhthiam tbk a thiam bak mi hna cu MAH lei ah an ṭanh dih. Cucaah Paucan Dohthlennak cu Satan Ralhrang le Krifa mi I dohnak asi cang. Kawl Biaknak Buddhism Mission ram kauhnak ding caah a hleihluat tiangin a ṭuan mi MAH asi. Ka langhtermi MAH I raldohnak Tactics, phunglam le mumal vialte hi Krifa pennak hrawk ding asi ti hi elh awk a um ti lo. Buddhism mission caah hmangrua vialte a hmang dih, Meithal in an kan kah rih. Satan Ralhrang le Khuachia asi ko mi: MAH le Rallokap kahthat nak caah hriamnam le meithal a herh. Bible in doh ci asi lomi MAH asi.

Khuachia Sahrang MAH le Rallokap do awk ah Krifa mi nih tampi kan pek a herh I, 1/10 zong meithal cawk nak ah nan pek awk asi kan ti nak a chan cu hi hi asi. 1/10 le thawhlawm cu Pathian Biak Inn ah rak put uh tiah Pathian nih ati. Sak khawh mi Biak Inn ah kan pek Bantukin Kutin Sakhawh asi lo mi, Pumsa le nunnak le thisen pekchanh tu CNA CDF CNDF sin ah 1/10 na pek cu adik mi asi. Zumhtu kan pum hi BIAKINN dik mi cu asi. Cu biakinn tampi cu dakaw, CDF CNA CNDF nih an pekchan cang cu, Ram le miphun caah, Krifabu le mission caah nunnak le thisen pek tu an si. Zeiruang ahdah Meithal cawk nak caah 1/10 cu kan hmang lailo. Pastorte nih Thlawchuah pek hna seh, a pek tu Thlawchuah caah. Zumhtu nih pek cia mi 1/10 khat cu thlacam nak he, Pastorte nih a herh nak ah, nan hmang khawh cang. Nannih Pastorte nih Thlawchuah pek ciami 1/10 in meithal kan cawk ahcun: kanmah tein kan cawk mi nakin, a hmual a fak deuh lai, tampi Rallokap a thah khawh hna lai, a hnu bik ah Ralhrang cu a kung le a hram ningpi in kan thluk lai caah KRI le KRIFA bu an par ve te lai.

Crusade raldohnak kan ti mi hi Muslim le Krifa Raldohnak asi. Krifa nih 1/10 in meithal an cawk caah Krifa nih TEINAK kan hmuh. Zeitintiah Pathian nih 1/10 Thlawchuah a pek caah si. American rampi le Latin America miphun hna cu: Liberation timi Zalonnak tling le luatnak caah KRIFA mi nih meithal kan tlaih awk asi Bantukin 1/10 le thawhlawm zong kan hmang awk asi ko tiah Theology a serh tu ansi. An Theology ning in an kal tikah Vawleipi ah pakhatnak lawng te an si zungzal. 1/10 Meithal cawknak caah a pek tu Pastorte cu an piangthar lo ti cu Piangthar timi hi Jesuh tuahmi asi, a vel thawng in asi, piangthar le 1/10 pehtlaihnak an ngeih lo. Na hrawkhrawl bia asi ko. 1/10 a pek lo mi Krifa zong Vawleipi ah an tampi nak cu Pastorte nih 1/10 kha nanmah caa lawng ah nan hman caah asi. 1/10 kong ah Vancung kainak aum lo ti cu ngakchia nih hngalh mi asi. 1/10 cu Pastorte nih ahman nak nan I palh caah, Natala mission nih KRIFA an kan hrawk dih nak cu asi. Kawlram ah mission kan ṭuan. Thlarau tlau kan tlaih setsai hna lo. Cu lio theng te ah: Kan CHINLAND le Kan chumtual ah Natala Buddhism Mission an ṭuan tikah KRIFA mi tampi Buda an si cang. Raldoh le hriamnam cawk hi aphun tampi aum ko lai. CNA CDF CNDF le MAH raldohnak hi cu KRFIBU mission le Jesuh Kri hrang ah asi caah KRIFA le Pastorte nih lungthiang tein 1/10 cu nan pek hna awk asi ko.

Nan palh hrim lo. Maurop Pastorte hi Natala aa thawk ah khan Maurop nan rak si cang. Tutan hi cu nan Zawtnak a zual tuk cang caah, Maurop kung cung hmin nan si nak cu asi. CHINMI nan fanau CNA / CDF / CNDF nin nunnak le thisen an pek. Pastorte nih anmah sin ah 1/10 chung in tlawmte tal nan pek duh lo. Nan 1/10 cu mi nunnak nakin a sung deuh nan ti duh nak maw? Nunnak pek tiang dawtnak langhter timi hi Jesuh lawng nih a ngeih mi asi. Jesuh Nun cu CNA CDF CNDF sinah a tak in a tlin cang. KRIFABU le Pennak caah Raldoh mi ansi/ kansi. 1/10 chung in pek ve cang ko uh. Na palh bak lo, na dik fawn.
Maurop Pastorte nih nan I tlaih mi Theology hi 19th Century lio ta si. 21st Century kan phan cang. IT chan kan phan cang. Knowledge Age le Global Village chan ah kan um cang. WCC nih or RC nih 1/10 in meithal an cawk tbk in KRIFA bu thar dirh duh ruang ah Vawleipi mi hlennak Theology kha, 19th Century ta kha nan hung chuah pi ṭhan I asi ko. Buhṭhing nan lumh bia asi.

MAH nih Krifa mi le Tlangcung mi cihmih awk ah: Buda Biaknak, Phungki rual, Khuachia biaknak, Kokek zumhnak, Camhthiam, Doithiam, Kutlam zoh, Thihtlawnthiam, Lihtinthiam, Lucifer Satan thiamnak le thil ti khawh nak vialte, tbk Sawntarh mi tiang in ahman nak kan langhter tuah lai. Kawlram uktu vialte, Pi Suu Ci telin an hmang ve nak kong zong aa tel lai. Tlangcungmi le Krifa cihmih nak caah asi khawh mi vialte an hmang hna. MAH minung kutlam zohthiam pa nih 2021 kum ah “Ahohmanh nih Hninh khawh lo mi Uktu le pennak a chuak lai”. Phungki Lianngan pa athi lai ati. MAH nih amah asi ti a zumh caah uknak a lak mi asi. Pyinmana phungki Lianbik Tzekung Phungki, Helicopter in a tla I athih ve. MAH Uknak ka lak hi adik a ti ve.

Uknak alak bak in Pagan Pura minthang ah, 2020 February ah, SPH Chiti thuh puai le Hnithawng Puai a tuah. 2020 Election campaign lio ah Alawng Phaza khua Shwebo ah, Vawleipi le Kawlrampi TEITU asinak puai a tuah. Amah chuahkehnak, Minbu peng, Thetpandaung Pura cu Satcia Pandaung pura tiah min a thlen. Shwebo ah Vawlei TEITU puai a tuah mi Hlawhtlinnak caah asi. SPH chiti thuhnak a tuah chih. Suimilam 24 chung hmit loin rimhmui khangh thawi nak a tuah ter zungzal hna. 75th Union Day, Diamond Jubilee ah SPH chiti thuh puai a tuah ṭhan. MAH nupi Daw Cucu Hla hruainak in, Ralbawi nupi vialte cu, Nipidaw pura ah ni 11 chung dongcat lo thlacamnak le Buda Baibol 5 bak kha rosary he an rel. 2021 November 29 ah asi.

Hi vialte a tuah piak tu le Ṭawlreltu hi, Phungki Lianngan Wizahpeih Sayadaw Ngukaw Widaka asi. Camhthiam, kutlam zohthiam, mang lehthiam minthang tampi nih an bawmh. Kawlram SPH cu zungzal in Keimah MAH ka si, Biaknak Luzik zong Keimah ka si caah, Ka pennak ah Buddhism ka karh ter lai, a duh lo mi vialte Thahnawn dih an si lai I, an cihmih ansi lai tiah Chiatserh biakamnak a ngeih mi MAH le Ralhrang Rallokap an si. Kawlram ahcun Hindu le Muslim cu chimh tlak lo an si caah, an ral bik cu KRIFA kan si ti hi hngalh can kan cu tuk cang.

Sandah piah lio ah an kahthat mi vialte cu an lu bak ah an kah hna. Chanthlen nan duh ahcun an lubak kah hna tiah Camhthiam mi le Kutlam zohthiam hna nih Bedin an tuah piak mi asi. MAH nih a biakmi Phungki lianpa nih Bedin a tuah piak mi asi. Kawlholh cun Yaṭha Chi De anti, Chiatnak vialte cu MAH le A minung sin in I kian sehlaw, Dohtu mipi sin ah (Sandah piahmi sin ah Abikin) tlung seh tiah Yaṭha an tuah piak mi asi. Tlangcung mi le Krifa na doh khawh hna I, tampi na thah khawh lawng ah Yaṭha le Yahu an ṭha lai, na pennak a hmun lai, Kawlram SPH na si zungzal lai tiah MAH cu Phungki lian, Camhthiam le Doithiam hna nih Bedin an tuah piak.

Kawlram uktu kip nih Buda mission an karh ter I, a khumzual tu lawngte ansi Bantukin Tlangcung mi le KRIFA hremhtu lawng an si. An hremh lo zong ah Krifa le Pastorte covo an pek duh bal hna lo. U Nu nih Kawlram biaknak cu Buddhist ah a ser. Shwedigon Pura ah SPH Chiti Thuhpuai a tuah. Ni Vung nih Buddhist le Kawl miphun pakhat lawng in a ser. Burmanization Ways to Socialism tiah min apek. Than Sui nih Nipidaw khualipi ati. SPH umnak cu Nipidaw ti asi. Tlangcung mi le Krifa umnak ah Natala mission rian a ṭuan. Shwedigon he aa lawh mi Pura cu Nipidaw ah a sak. Kawlram SPH le Biaknak Luzik cu Rallokap si zungzal awk ah a tuah mi asi.

Kanpi Suu Ci zong Zungzal SPH si awk ah SPH Chiti thuh puai le Hnithawng chinh puai cu Kan U Lal Ṭhu Pura ah a tuah ve. Rangoon PM Kio Phio zong Covid19 a ti saling ah: Botadaung ah SPH Chiti thuh puai le Hnithawng puai cu a tuah ve. Kio Phio zong hi SPH si a duh ve. NLD nih ticket an pek lo caah, a chunmang tlin awk ah Pi Suu Ci cu titsa a phoh hi asi bik ko. DASSK nih Pura mangtara a sak nain aa lim manh lo. Rangoon le Nipidaw um Shwedigon Pura nak in a lian deuh mi le a ropui deuh mi, zungzal chan chung hmun awk a sak mi Pura asi.

1992 ah Suipawcun Sayadaw (Phungki) nih aṭial micu: Kuanzen, Hriamnam dih um in, Rallokap chung Tupung raldohnak a um lai. Cu ni a phak tikah Uktu cu Yaṭha Zeitluk ṭha ko hmansehlaw, April thla a lawnh khawh lai lo ati. Cu nih MAH cu Uknak a lak ter ti asi. Mipi nih April ah MAH uknak a dih lai “တပေါင်းစစ်ချီ ဒေါင်းစစ်သည် သောင်းချီတက်လိမ့်မည်” tiah a sullam kan lak ve. April Raldohnak ah Awtaw ralkapbu Nuai tampi he တပေါင်းစစ်ချီ ဒေါင်းစစ်သည် tiah sandah piahnak kan tuah. MAH nih KEIMAH ka si ko, Buda Phentu Krifa tukdoh lawng ka rian ati cang.

MAH le Ralhrang lawng an si lo. Mipi zong nih Buda Biaknak le zumhnak, Kokek zumhnak, Camhthiam le kutlam zohthiam mi hna le Bedin thawng in Khuachia Khuavang le mi ṭhalo cu dawi khawh / ṭhawl khawh asi tiah an zumh ve. Umkheng tum in sandah piah nak cu Uktu ṭhalo kan dawi mi asi. Krifa zumhning he aa ralchan bak mi asi. Buda zumhnak le Khuachia Khuavang zumh nak he an kemh I, kawlte nih an Sawntarh mi ning in an tuah mi asi. Pastorte nih cun mah bantuk hi tuah lo ding in nan kan khap ding tu asi. Krifa le Kan Bawipa Jesuh a dohtu Ralhrang MAH doh nak caah 1/10 pek mi hna biatak tein nan soisel awk asi lo. 1/10 vialte kha CNA CDF CNDF pek uh ti asi lo. Nan pek bal fawn lai lo 1/10 ning tein. Kumkhat chung 1/10 chung in tlawm te lawng pei pek tawn asi cu. Umkheng tum mi Khuachia biaknak kan tuah hmanh ah a holh lomi Maurop Tuukhal hna nih 1/10 in Hriamnam cawk hlah uh, Piangthar lo hei ti cu asi khawh lo. CNA CDF CNDF telloin Nanmah lawng tein MAH le Ralhrang doh can nan phak hlan ah lungṭhul lo in le lung awṭawm lo tein, 1/10 siseh, thawhlawm siseh, Hriam cawk nak ah pek cang ko rawh uh.

Kawlte mipi nih Buda zumhning, Khuachia khuahrum biakning le Sawntarh mi tiang hmang in MAH an doh nak cu: Nu Puanchia ah MAH zuk tar mi an hmang, Nu hni thlai in Longyi Strikes an ti, NU chungnawh le kedan ah MAH zuk tel: 2022 May 2, USA San Francisco ah, American ah Paucan Dohthlennak caah phaisa kawl nak an tuah. MAH cu NU HNI an khuh in lentecelh nak ah an hmang. MAH an huat lawng asi lo. Nu cu limhang a niam mi kan si caah, MAH cung ah chiatnak tlung sehlaw, Mipi le PDF CDF CNDF cung ah a tlung ding mi chiatnak le thihlohnak vialte kianh seh timi zumhnak he tuah mi asi. Nuhrin covo phu nih nu limhang a zawr tertu le nu kha pa nakin niam dueh ah a chiah I, thlanglamh le namneh in nu pawl hmuh le tuahto asi caah nan tuah awk asi lo tiah HRW phu nih warning an pek hna. Buda Biaknak, Kokek zumhnak, Bedin timi kutlam zoh nak, tbk ning in an tuah mi asi. NLD chan ah Sakai PM nih Inndaw Thlanmual an thianh lio ah Kokkuk kung in Vawleipi a ngan bik khuang an tuah I, Tidaku chuah ni ah laksawng an pek. Konghmuh pura ah an chiah. Thlanmual ah an hmuh mi asi ko na tein, Indo / Pati timi Camhthiamnak in Yaṭha an thah hnu ah an tuah mi asi. Cucaah Sakai PDF nih Rallokap an thah poah ah Inndaw Khuapi ah kan kuat ṭhan အင်း‌တော်မြို့ကို ပြန်လည် ပို့ဆောင်ခဲ့တယ် tiah an ti.

Paucan Dohthlennak kan ti mi hi Meithal Raldohnak lawng in aa thawk I a dih mi asi lo. A hnu in a hung zulh mi Khuachia Khuahrum le an mah biaknak aa tel chih caah, Hriamnam lawng in TEI khawh ci asi lo. Kan thazang vialte, kan thinlung vialte, kan ngeihchia chawva vialte, kan hlawnthil vialte le kan ngeih mi dihlak in doh ding mi Satan Ralhrang MAH asi. 1/10 lawng hmanh aza lo. Kan ngeih mi vialte bung hnawh cang zong asi. A zei piangthar le thar lo kong cu na chimh ve. Asi te bak nan si lo caah Maurop tiah min sak nan si ve. Pathian Ralkapbu BAWIPA nih CDF CNDF CNA cu Krifabu le Krifa Mission caah: Gospel karhnak caah Raldoh lio mi an si. Krifa upa le Pastorte nih 1/10 in meithal cawk khawh asi ko ti hi nan lung fiang sehlaw, a tak in pek cang fawn uh. 1/10 cu Meithal cawk nak asi lo na ti mi cu: Na zumhnak le bible si loin na Sawntarh mi le na phuah cawp mi asi.

Col3:17 Zeithil nan tuah poah ah Pathian min in tuah uh ti asi caah Pastorte nih thlacam hnawh in thluachuah pek hnu ah 1/10 cu hriam cawk nak ah na pek mi cu na palh bak lo. Krifabu le Jesuh caah Raldoh mi kan si caah. Bible ah aum lo, thlarau nih aduh lo tiah, mi tlaihhrem ti hna hlah usih. Halleluiyah Voi 7 au khi Bible ah aum lo. Biak Inn ah mi an tlin hnu ah ruang tein Pulpit ah kai in canhman mi zong bible ah aum lo nain Thilṭha le thluachuah nak asi caah kan tuah mi asi. Cu ve Bantukin 1/10 le thawhlawm cu CNA CDF CNDF sin ah na hlut mi cu Bible ah a um lai lo nain, Pathian duhnak le Thluachuah hmuhnak asi ve. By Saya H. Rung Kaw