Ralhrang Le CNA/CDF Karlak A Fah Chin Lai Caah Mipi Nih Theih Ding Le Ralrin Dingmi

Chin News

Chin ramkulh, Hakha in Thantlang lei kalnak lam cungah a ummi Timit hlei cu CDF nih 2021 lio ah rak chah a sinain atu ah SAC ralkap nih remh ṭhan an i timh caah CDF le SAC ralkap karlak entainak a fak tiah theih a si.

Hakha-Thantlang lam cu hman rih lo ding in CDF nih mipi ralrin a pek hna. “SAC ralkap pawl cu July 28 zinglei ah ke in phukhat an kal, cun July 30 zong ah Hakha khuachung in mawṭaw pakhat in an kal ṭhan” tiah khuami hna nih an chim. Hakha ah hram a bunhmi LIB 266 nih Hakha-Thantlang lamcung timit tiva lei ah thazang an chap lengmang tiah theih a si.

Atu timit hlei remh ding ah aa rak thawhmi hi July thla hramthok lei ah Sagaing ramṭhen, Kalaymyo in Hakha lei ah a raami an si i an ratnak lam thluangthluan ah CJDC Special Force, CNA le CNDF phufonh nih voi 8 hrawng an kah hna caah SAC ralkap a thimi an rak tam tiah theih a si. Credit: T.C.P

Thawngpang dang: Myinchan Peng Ah Pyusawhti Hruaitu Pa A Cawngtu Cu PDF Nih An Kah Thah Mandalay ramṭhen Myinchan peng Sanpiah khuami Pyusawhti hruaitu pa a cawngtu rian a ṭuanmi Kyaw Zin Htun cu NatogyiPDF nih nizan July 29 ah an kah thah. Meithal zun hnih le kuan tam ngai an lak, tiah theih a si.

Pyusawhti hruaitu pa a cawngtu Kyaw Zin Htun kan kah thah hnu ah Rifle meithal zun khat 12 shotgun zun khat le a kuan 20 cu kan lak khawh tiah Natogyi PDF nih cathanh an chuah.

Leave a Reply