Zotung Hmunram ah Khuami 2,500 Hrawng an Zaam. SAC ralhrang thazaang 80 hrawng cu nizan August 6 ah Matupi peng, Zatung hmunram ah an luh caah khua 11 in minung 2,500 hrawng nih khua an chuahtak. Ruah a sur caah ralhrial hna caah muka, sii-ai le eitin tibantuk bawmh an hreh hringhran, tiah CDF-Zotung nih thawng an thanh. Ref: Chinjournal

Thawngpang dang: Kanpetlet Ah Zung Rianṭuan CDM Hna Ca ah Sianghleirun Pakhat He Pehtlaihnak Tuah In Training An Tuah Lai:: Chin ramkulh, Kanpetlet khua ah CDM hna ca ah ramkhel le chawlehthalnak kong telh in subject 10 leng cu ramchung sianghleirun pakhat he pehtlaihnak tuah in cawnnak(training) kan tuah lai. Cu cawnnak ah kai ve cio ding in Kanpetlet mizapi uknak nih cathanh an chuah.

“Kan Chinram cu Myanmar ramchung ah zei lei poh in a ṭhangcho lo bik ramkulh a si. Fimcawnnak lei zong ah a der bik le a ṭhangcho lo bik kan si. Sianginn hun hmanh ah a kai ding a um lo tluk kan si. Tanghra a awngmi zong kan tlawmte. Kan ram sersiam ṭhannak ah Federal phung ning in kan ṭuan le ṭuanvo kan laak a hau,” tiah ṭuanvo ngeitu nih a chim.

Ramkhel, chawlehthalnak, khuakhan lairel thiamnak Mirang ca Federal kongkau le ukhruainak subject hna hi a tam deuh cu an i thim i an cawng lai, tiah an langhter. CDMers, caan karlak mizapi ukhruainak ah aa telmi hna le internet line a hmang khomi hna lawng nih August 8 tiang khi a hnu bik caan khiah in pehtlaih khawh kan si. Cun, Kan cawnmi hi cawn sawhsawh si loin atak in dohthlennak le caan karlak ukhruainak ca ah kan hman lai, tiah an thanh.