Ralhraang Lawngtlai Pengkomh Lutmi Kuat Than An Si.

Myanmar News

Kawl Ralhraang Lawngtlai Pengkomh Lutmi Kuat Than An Si. Tangkhawng 2 ah Arakan Army (AA) he i kahnak ruangah a zaammi Kawl ralhraang 151 cu Lengpui Airport ah Myanmar vanlawng in  kuat than an si cang.

2023 Dipa 29 ah Arakan Army (AA) he i kahnak ruangah Lawngtlai pengkomh Tuisentlang ah a lutmi Kawl ralhraang 151 cu Myanmar vanlawng in voihnih thiar an si i, a voikhatnak ah 84 an si, a voihnihnak ah 67 in phurh an si.

Kawl ralhraang pawl umnak Myeikwa camp cu Dipa 29 ah Arakan Army (AA) nih an luhhnawh caah Tuisentlang khua ah an zaam, a hmasa ah ralhraang 83 an lut i, zaan ah ralhraang 68 an lut, an dihlak in 151 an si.

An lak ah hliam faktuar pakua an um, an lak ah pali hi hliamfak hlei an tuar. Kawl ralhraang nih rifle 93, pistol 17, Rocket Propelled Grenade (RPG) pali, mortar pali, Light Machine Gun (LMG) panga, sniper rifle pali, hand grenade 374 an i luhpi. Ref: The Lairam Times

Leave a Reply