Ralbawi Min Aung Hlaing nih zullhphung thar a sermi cu thinphang taktak a si

Myanmar News

Palik nih an in tlaih sual hna ahcun, tlaih khawnak ca an i keng chih maw? Tlaih dingin nawlpeknak a um maw? Zeiruangah an in tlaih hna, cu bantuk thil a um lo ahcun, tlaih khawh a si lo tiin Myanmar mipi nih kan theih aherh. Cu bantuk phunglam cu Ralbawi Min Aung Hlaing nih cathanh a chuah.

Palik an silole ralkaap nih mipakhat khat an tlaih ding ahcun, tlaih khawhnak ca aa ken hrimhrim a herh lo. Tlaih dingin nawlpeknak a um ahcun tlaih an khawh an si. Ahopaoh khual an ngeih ahcun khuabawi sinah thawngthanhnak tuah ding. Cuti a si lo ahcun, tlaih an si lai. Cu hna cu ni 7 chung thongthlak a silole thong 10 liam ter ding a si lai.

Phunglam thar an chuah ti asinain, phunglam an sermi hlun cu phiat in phunglam an hun ser hi a si. Cu phunglam cu phunghrampi 420 bangin pukmah 5,7 le 8 ah palik nih mi an tlaih ahcun tlaih khawhnak ding ca an i ken a herh, nawlpek a herh, khuabawi silole upa nih an zulh a herh, cu bantuk cu a rak sinain, cucu hmang ti lo dingin Ralbawi Min Aung Hlaing nih nizaan February 13 zaanleiah a phih dih.

Pukmah 5 an zulh lo ruangah mi pakhatkhat an tlaih tikah khuabawi cu theihpitu ah hman a herh ti lai lo. Pukmah 7 an zulh lo ruangah Court nawlpeknak lo zongin suimilam 24 chung an hren khawh. Pukmah 8 an zulh lo ruangah tlaih khawhnak ca um lo zongin tlaih khawh an si lai.

Cucaah palik le ralkaap nih cunglei i nawlpeknak an hmuh/don cang ka in an duhmi cu tlaih khawnak ca a um lo zongah an tlaih khawh cang hna lai. Cucu ralkaap nih nawlngeihnak a lakmi caan chungah hman ding a si lai i kum 1 chung lawng kan uk lai tiah an chim nain, kum zeizat chung dah an uk te lai timi theih khawh a si rih lo. Chirhchan: Vapualauaw

_____

Copyright © Chin World News Evening

Leave a Reply