Ral a thawh tik ah a rak i hlawkmi an rak tampi ve. Meithal le hriamnam zuarmi pawl nih cei ko an miak. Ralzaam tampi an tlik an zaam tik ah INGO/NGO cheukhat pawl nih miakmai ceilak an rak kawl ve i, bawmhnak phaisa ceilak an rak ihui ve. Ral thawh ruangah miakmai a hmumi hna nih cun daihnak taktak hi an duh lai zumh a um hrimhrim lo.

Kawlram zong cu bantuk tuk te a si ve ko. Ralkap nih Rohingya pawl Bangladesh ram ah an tthawl dawi hna tik ah INGO/NGO nih ceiko phaisa an hui. Cucaah INGO/NGO cheukhat nih Kawlram i tluangte in an kir ding a siang lomi bu an um. Rohingya ralhrang lila zong nih an kir dih lai an duh hna lo. A tlirh hmanh in an thlirh hna ti a si.

Kawlram mi sinak citizen pek lawngah tlunter ding ti in miakmai an kawl ve. Kawl ralkap zong nih NLD cozah thlak duh le thangchiat duh ah timh ciamman tein bom bantuk in an puahmi a si kha zapi hngalh a si ko. Kan ram a daih lo chung poah cu ralkap pawl nih anmah power hmunhnak dingah miakmai an kawl peng ko lai. Ral daihnak a duh taktak mi cu INGO/NGO pawl zong an si lo i, ralkap pawl zong an si lo i, ralhrang pawl zong an si lo i, tem innak a tuar taktak mi, mi sawsawh te khi an si hna.

Credit: Salai Lairamthang