Atulio ah a lar ngami Myanmar Idol Season 4 zuamnak To 10 tiang a phanmi Chinpa mipi nih an uar tatakmi Benjamin Sum hringtu a nu nih mipi sinah lunglawmh aa vun chim ve cang. Benjamin Sum hi Myanmar Idol Season 4 top 10 a zuammi ah cun a thiam cem pawl bak asi.

Tuzaan ah an result phuan asi cang lai i, Myanmar Idol Official Page le Youtube Channel 9 ah live in zoh khawh asi lai. Vote in thazaang pe cio rih ko hna usih! Benjamin Sum hringtu a nu Lal Din Par nih a chimmi cu ” Benjamin sum thazaang a pemi le Vote in thazaang a pemi cun thlacamnak in a kan bawmtu ramchung ramleng a ummi nan zahte cungah lawmhnak tampi ka ngei i, lunglawmh bia ka chim.

Pa Pathian nih thluachuahnak in pe hram hna seh tiah ka thlacamnak asi. Ka lawm tuk. Tutan zongah nan bawmhnak kan herh i, rak kan bawm cio rih uh tiah zaangfah kan hal duh hna” tiah Benjamin Sum hringtu a nu Laldinpar nih lunglawmhnak bia mipi sinah a chim. Online vote pek ning a video zoh khawh asi.