Siaherhnak: US in Malaysia a va tlung ii, nupi a tthimi pawl nih, nan nupi le laaknak nan tuah hlan ah: zei pawl dah a herhmi le abiapi taktakmi an si, timi fiang tein theih a duhmi cu ka inbox te uh. Zerhdongh ‘weekend’ ah pumpaak in chimh khawh kan zuam te hna lai.

Mah hi zeiruang ahdah ka chim tiah cun private sih-ne ‘lawyer’ pawl sin ah an tuah tikah, abiapimi thil an rak hrelhmi tampi a um; Malaysia ah ralzaam in ummi cu a hleice deuh in tuah a herhmi tete a um len. Cucu an rak thei lo. Cu tikah immigration nih Laimi cases an hlonh piakmi/pomlomi tam tuk a um. Nu le va, fale he i tong kho loin a kumkum in vansaang in an um len hna. Cu bantuk a tongmi ka theihmi an tlawm ti lo. Ka lung a nuam tawn lo.

Relchih. na caah bawmchantu ttha si hrim lai. Hi bantuk te te kan theih le hngalhmi nih tampi kan caah lamttha sial timi ruat chih hna usih. A cattial tam ka ti sawh hlah uh. Pakhat te ka vun ttial rih lai. Ka siaherh caah asi. Tutan cu pastor caah ka vun ttialmi asi.

Nan Khrifabuu ah, nu le va tthit-umnak nan tuahpiakmi poahpoah cu, cozah sin ah Marriage Certificate an laak dih tiang bawm hraam ko hna uh. An mah nu-va lawng rinh hrim hna hlah uh. Ttha tein aa tthi-um ko nain, cozah marriage certificate a ngei lomi, kan community chungah an um ngai. Church pekmi marriage certificate cu immigration nih an pom lo caah, citizenship an sok tikah a herh lomi, bia-halnak le dawnkhaantu thil a chuah ter tawn.

Cozah sin ah marriage certificate, laak a herh ning, abiapit ning, ttha tein chim hna uh; bawmh a herhmi cu, nan caan tampi lakah, bawmh i zuam hraam ko hna uh. Nan bawm hna lo, ka ti duhnak asi hrim lo, nan bawmh tawn ko hna, nain hihi kan daithlaan sualnak hnga lo, ka vun chim duhmi asi. Salai Van D Ceu