R.I.P. US Khuasa Pi Sungiang Cinzah Nih Mual A Kan Liamtak

Chin News

CEBC-INDY MITHI KAN NGEI. PI SUNGIANG CINZAH-KUM 82. Chin Evangelical Baptist Church, Indianapolis I kan chungtel asimi Pi Sungiang Cinzah – Kum 82 (Zahum Nu) nih September 13/2020 ( Sunday) zinglei 10: 26 AM ah hi vawlei nunnak in, a kan liam tak. A fale minung 4 hi kan chungtel an si. Pi Tin Tin, Pi Khuang Cuai, Pi Tial Sui, Mai Tial Pum Iang hna an si. Ngaichiatnak a tuarmi fale, tuu le hna, ciangla rualchan hna nan ngaihchiatnak kan in hrawmpi hna.

Image may contain: 1 person, standing

Aherhmi thanwgthanhnak: 1. Zuunngaihpar : Zuunngaih par tuah aduh mi poah nih Pastor John Za Thleng -317-840-5563 sin ah chawnh khawh le aman pekkhawh asi lai. Zuunngaih par pakhat ah $ 150 asi lai.

2. Chungkhar pehtleihnak :6651 Sonesta Dr. Indianapolis, IN 46217 ( 317- 306-6419 Pi Khuang Cuai)

3. Khrihfabu pehtleihnak : 317-840-5563 ( Pastor John Za Thleng)

4. Topinak:

a. September 13-14, 2020 (Sunday Zaan- Monday Zaan ) 7 : 00 PM – 9: 00 : 00 PM

b. Funeral Service (September 15,2020 (Tuesday)

c. 9: 30 AM- 10 : 00 AM ( Body View)

d. 10: 00 AM- 12 : 00 Noon ( Funeral Service)

e. 12: 00 Noon – 1: 00 PM (Burial Service)

f. Location: CEBC-INDY ( 5610 South Meridian Street, Indianapolis, IN 46217)

Khrihfabu ai awh in,

John Za Thleng
317-840-5563
Johnbiakdawt08@gmail.com

Relchih>>>>𝐄𝐥𝐞𝐜𝐭𝐨𝐫𝐚𝐥 𝐂𝐥𝐢𝐞𝐧𝐭𝐞𝐥𝐢𝐬𝐦: Thimfung pek ruangah bawmh le bawmh ruangah thimfung pek: Credit: Rual Lian Thang: A ngan a dammi democracy ramah biatak tein mipi nih an dohmi le an hrialmi cu (electoral-clientelism timi) thimfung pek ruangah bawmh (or) bawmh ruangah thimfung pek timi zikhnawh-eihmur phunkhat hi asi. Hi bantuk zikhnawh-eihmur an dohnak le an duh lonak a ruang tampi a um. Tampi lakah theih a herh ka timi tlawmpal ka lanhter lai.

1. Democracy phung a buar ruangah doh asi. Democracy ukphung cu zalong tein hrawitu thim khawhnak le mifim-mihrut, sifak-mirum, minak-mirang, cathiam – thiam lo tbk thleidannak um loin thimmi a cozah nih rual tein mipi le ram tthanak caah rianttuan asi. Thimfung pek zong pek lo zongah cozah asi mi nih mipi tthatnak kha raul tein tuah asi. Nain electoral-clientelism nih kha democracy phung kha a buar.

2. Mipi tangka (public fund) kha pumpak miaknak le nawl ngeihnak caah hman asi ruangah democracy phung he a kalh i zikhnawh-eihmur nganpi asi tiah doh asi. Candidate nih mipi tangka (public fund) hmang in pumpak miaknak kawl a ngah lo. Hi bantuk zikhnawh-eihmur ruangah Indonesia hluttaw-chair Setya Novanto kum 15 thongthlak asi. A cheukhat ramah cozah nih tthanchonak a tuahmi (lam siizung mei tbk) phunh-puai ah cozah lutlai pawl (ministers tbk) kal a ngah lo.

3. Electoral-clientelism timi zikhnawh-eihmur nih tthanchonak a dawnkhan ruangah doh asi. Tcn- India- Philippine, Indonesia tbk pawl democracy ram ansi nain an tthancho lonak a ruang nganbik hi electoral – clientelism timi zikhnawh-eihmur a tamtuk ruangah asi tiah mifim tampi nih an chim. Thimfung petu calongah tthanchonak tbk tuah asi tikah sifak le mirum thleidannak a nganter chin. Cu ruangah Indonesia a cozah nih Anti-corruption Commission (KPK) timi zikhnawh-eihmur dohnakbuu a ser i biatak tein dohnak an tuah. A cozah lutlai pawl phone chawnh mi vialte hmanh thli tein ngai khawhnak nawl tiang KPK nih a ngei i cu ti cun eihmur kha doh asi.

Leave a Reply