R.I.P. Tlangvaal Van Lal Lian Thang cu amah umnak inn ah a ruak in an phawh

Chin News

Salai Van Lal Lian Thang @ Pa Lal (34) nih Zing|03|2020 zinglei sumilam 1:00 AM tluk ah a rianṭuannak inn an pekmi room ah a ruak in an phawh tiah kan theih. Zei bantuk zawtnak dah a ngei ti, a damlonak ngaingai theih a si lo.

 

Ka khuasik, thafak ti a chimmi cu nihni tiang a si cang i nizaan chun ah sekhan (Clinic) ah a kal i a thisen zong cheknak a tuah, sii din ding zong an pek i a thisen a chekmi zong a ṭha ko tiah siibawi te nih an ti. Cuticun Zing 02|03|2020 cu rianṭuan ko loin sizung kal dingin rian ai din.

Zing 02|03|2020 tiang cu Messenger zong in pehtlaih khawh peng a si. Asinain ruah lo piin a rianṭuanpi pawl a inn i an va kal tikah, atu bantukin a ruak in an phawhnak hi a si. Van Lal Lian Thang @ Pa Lal (34) cu Falam peng Khuangmui khuami Pu Mang Khum le Pi Den Thiam hna i an fa pathumnak a si.

Salai Van Lal Lian Thang cu kum 2013 ah Malaysia a rak phanmi a si. Amah hi rianṭuan a teima ngaingaimi a si i mi hawikomh zong a thiam ngaingaimi hawi le kom zong nih an tlaihchan ngaimi a si. Zeitindah a ruak hi tawlrel a si lai ti thawng fiang a um rih lo. Tantakmi chungkhar Bawipa nih an ngaihchiatnak chungin hnem hram ko hna seh. Chirhchan: FRO Malaysia

Leave a Reply