Atlanta, GA, USA ah ummi Salai Ngun Lian Luai nih thluak lei thichuaknak in mual a kan liam tak. Salai Ngun Lian Luai @Liante hi kum no te a si lawng a si i atu bantukin mual a kan liam tak cu a poi taktak, lung a fak khun.

Amah hi ram le miphun a daw ngaingaimi a si i, Chin Community cawlcanghnak ah a caan, ruahnak, thazaang le chawva in rian a ṭuan lengmangtu a si. Chin TV International timi phu ah Volunteer in rian a ṭuanmi pakhat a si. A dam lioah Chin Community, Atlanta ah Nunphung leiah lutlai le Burmese Chin Community of Atlanta (All Chin) ah Sport Director a ṭuan cuahmahmi a si.

A thihning cu hitihin a si.

Mi inn ṭhial a bawmhnak hna ah, mawṭaw ṭemnak hri nih a lu (head injury) ah a tuk sual ah a thluak ah thi a chuak (Brain Homrrhage) cu ruangah a tu bantukin mual a kan liam taak hi a si. Eksident a ton le cang ka in sizung leiah tlikpi siseh law, a dam khomi a si. Asinain sizung lei kal duh loin a um i, suimilam 30 a luan hnuah a lung a mit cu hnuah sizung ah cun an kalpi, asinain sibawi nih chanh manh loin mual a kan liam hi a si.

Amah hi Laitlang a khua cu Cerhmun, Falam Peng, Chin State a si. Hringtu a pa min hi Pu Ngun Uk Lian a si i hringtu a nu min Pi Rem Zing a si. Unau chuahpi hi 6 an si i pa 3 le nu 3 an si i amah hi upa bik a si. A unau chuakmi hna an min cu,(1)Biak Sin Par (Yangon)
(2)Lal Rin Kim (Yangon)
(3) Lal Lian Thang (Mizoram)
(4) Cung Lian Bik (Mizoram)
(5) Malsawm Dong Zuali (Mizoram)

Tantakmi chungkhar Bawipa nih an ngaihchiatnak chungin hnem hram ko hna seh. Atu bantukin mi fel mi ṭha, miphun a dawmi kan sungh cu sian a um hrimhrim lo. Chirhchan: Chin Community USA