Nizaan April 4/18/2020 cacawn niruk zaanlei sangah thli le ruah fak taktak in a hrang. Cu ti thli le ruah nih Sairang dinthar pin i Chengkawl tiva kam ah a ummi Pu Bishnu a inn kam ah a dirmi thinkung (neem kung)pi thlichia nih a den ruangah a pur i a inn cu a nenh i a rawk dih.

Vanchiat a ngeimi a si pakhat cu cuti i neem kung nih a inn a tluk hnawh i a inn chungah a itmi a fanu Lallawmkimi thla (4) nausem te cu a nenh caah a nunnak a liam tiah theih a si. Lallawmkimi cu a rianrannak in Sairang siizungah an tlikpi colh nain vanchiat ah lampi ah a nunnak a liam hi a si. Hringtu a nulepa an celh hrimhrim lo.

Minung kan nunnak hi a tawi tuk hringhran. Zeitik ah dah vanchiatnak kan cungah a tlun lai ti theih khawh a si hrimhrim lo. Sualnak ngei lo bawhkeihte zong aherh ah cun Pathian nih a lak ko.Tantakmi chungkhar Bawipa nih an ngaihchiatnak hnem hram ko hna seh!

 

Thawngpang thar rak rel chih: Opening Up America Again. White house taskforce hna nih nizan press conference ah US ram pumpi on thannak dingah guideline an tuahmi vialte an thanh cang. A ongtu ding cu state cio i, Governor pawl nawl a si lai an ti. US on thannak cu federal cozah nih phase one, phase two le phase three tiah an then. Phase one hi cu a thlengmi tlawmpal te lawng a si. Phase Two le Phase Three hi a biapi ngaimi an hung si. Phase one ah minung 10 tiang i pumh khawh a si lai i, gyms pawl zong on khawh a si lai.

Phase two ah hin minung 50 tang i pumh khawhnak le sianginn, restaurent, bar, daycare le camps pawl on khawhnak a tel lai ti a si. Sport zong zeimawzet cu i celh khawh a si lai. Phase Three ah hin zalong tein riantuan khawh a si lai. Sizung zong on than a si lai i, mizaw zoh zong a ngah lai. Zalong deuh in khual zong tlawn khawh a si te lai. Asinain Social distancing hi cu a um pah rih lai. Source: Salai Lairamthang