R.I.P. Thau khuami Rev. Peter Cung Cem nih mual a kan liam tak ruangmang ee

Chin News

Chinmi nih kan ibochan ngaimi kan pakhat a simi Rev. Peter Cung Cem cu caan saupi dam loin a um hnu ah tuni ah mual a kan liam taak tiah thawng kan theih. Amah hi a luancia kum 2019 ah dam lonak in sizung ah caan saupi aa thlopbulmi a si.

Tutan zong naite ah dam lonak in a hung um ṭhan i atu bantukin mual a kan liam taak hi a si. Tantaakm chungkhar Bawipa nih hnem hram ko hna seh. Amah hi Kalaymyo ah khuasa mi an si i Immanuel Khrihfabu ah Pastor rianṭuan liomi a si tiah kan theih fawn.

A thihnak kong he pehtlai in Pu Lian Iap nih hitihin a taar, “Thau khua , Kalaymyo um mi Rev.Peter Cung Cem, kum 68 cu Can sau ngai dam lo in a um nak in December 7,2020(3:50 pm) ah mual a kan liam tak cang. Tantakmi chungkhar an ngaihchiatnak Pathian nih hnem hram ko hna seh,” tiah a taar ve.

A fanu Esther Van Lal Hnem nih a ngaihchaitnak hitihin a langhter ve, “Ka pa aw poi tuk e.na kan liam tak a tuan tuk e ka pa aw kan celh lo tuk e ka pa aw.kan dawt tuk kan in siang lo tuk e ka pa aw,” tiah a ngaihchiatnak cu a langhter ve.

Thawngpang dang rak rel chih: Thantlang in Sopum kalnak lam ah motor le motorcycle an i pah. Hakha Pengkomh, Thantlang khua lonh Sopum kalnak lam ah motor le motorcycle 2020 December 7 suimilaam 6:00PM tluk ah an i pah i a thimi an um lo nain faak ngai in an i khawng tiah theih a si.

“Thantlang in Sopum kalnak lam petrol dawr hmai ah a si. An i pah ning cu; motorcycle nih motor lonh aa timh lio ah atu bantuk in an pah hi a si. Motorcycle a khaltu pa hi a lu a kuai, a hnakhaw in thi a chuak i sii-inn ah an tlikpi colh,” tiah a hmun i a ummi pakhat nih The Hakha Post ah a chim.

Hma a pu mi pa hi Thantlang sii-inn lei nih an thlop khawh lo ca ah atu hi Hakha sii-inn lei ah an ratpi lio a si. Source: The Hakha Post

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Na relmi thawngpang hna hi midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin

Leave a Reply