R I P: Sii-ai An Ngeih Ti Lo Caah Chin Paraltha CDF Ralkap 2 Bak An Nunnak Liam E

Chin News

Sii-ai Lei Chanbau Ruangah CDF-Paletwa Ralkap 2 An Nunnak Liam. Chin ramkulh thlanglei Paletwa pengkomh chungah sii-ai lei tlamtlin lo nak le chanbau ruangah CDF-Paletwa ralkap 2 an nunnak a liam nak kong CDF-Paletwa nih September 16 ah ngaihchiat nak cathanh an chuah.

May be an image of 8 people

A nunnak liam mi ralkap 2 hna nih Chinland le a Miphun ca rian an tuan lio ah an nunnak a laim hi a si tiah ngaichiatnak cathanh chuah mi ah an langh ter chih.

A nunnak liam mi hna hi, Salai Muang Maung (kum 25) cu August 3 le Salai Enok (kum 19) cu August 8 ah an nunnak an liam i an pahnih in Commando ah a um mi an si.

May be an image of 1 person

“An zawtnak nih an cheituk hna ruang, Operation tuahnak tiang thilri a um lo ruang le siizung kalpinak a hlat tuk ruang zongah a si”tiah CDF-Paletwa lutlai pakhat nih a chim.

“Ramtang ah um in Dothlennak a tuah mi kan si caah harnak tampi kan tong, cucaah mipi hna nih a hmunhma ah ra in nai teltum khawh lo zongah a kakip in rak i tel cio dingin kan sawm hna”tiah a cunglei upa nih a chimchap.

May be an image of 1 person

CDF-Paletwa cu 2021 April 28 ni ah rak dirh mi a si i a tu ni tiangah CDF-Paletwa ralkap 9 an nunnak a liam cang tiah theih a si.

Pin Oo Lwin Khua SAC Ralhrang Hmunhma Cu Dothlennak Caah Zuar A Si Lai; NUG. Mandalay ramthen Pin Oo Lwin khua ah SAC ralhrang lutlai hna le ralhrang he aa pehtlai mi hna nih an neih mi hmunhma, inn le lo hna cu Dothlennak tuahnak caah zuar a si lai tiah NUG cozah nih September 15 cathanh an chuah.

May be an image of 2 people, motorcycle, road and text

“End of Dictatorship-EOD” “ralhrang uknak tha lo a donghnak” timi simanking nih a voi hnihnak aa tinh mi raltuk nak ding caah ralhrang hmunhman zuarzamh nak cu September 15 in thok a si cang nak kong zong NUG nih a langhter chih.

Hi hmunhma zuarzamh nak cu ramkio um EOD palai hna sin ah pehtlaih in cawk khawh a si lai tiah an langhter chih.

Leave a Reply