Ngaihchiatnak thawngpang: CBANA khrihfa chungtel a simi “Louisville Chin Church.KY” chungtel Salai Kulh Cung nih mual a kan liam tak ee. Dr. Mang Awi le Pi Ṭha Thlia hna i an fapa Salai Kulh Cung nih April ni 17/2020 (friday) ah ruah lo piin mual a kan liam tak ee.

Salai Kulh Cung hi khrihfabu nih bochan taktakmi le hawile kom zong nih bochan in an tlaihchan ngaimi a si. Tutan ruah lo piin mual a kan liam tak cu kan siang ve hrimhrim lo. Kan ngaih a chia tuk hringhran. Taantakmi chungkhar Bawipa nih an ngaihchiatnak hnem hram ko hna seh!

Thawngpang kan theihnak le kan laknak nih a thihnak khua le ram fiangfai tein thanh an tuah lo caah kan rak fianh kho ciah rih lo caah mipi nih aruah zia kan thiam hram uh! Thawngpang thar a um cun arannak in thanh ṭhan khawh colh kan izuam lai. Source: Sa Tin Lal

Thawngpang thar rak rel chih: Dallas county chungah hmaikhuh i khuh lo zongah dantatnak um than lai lo tiin an thlen than. Nan theihcia bang tuzarh zarhte ni thawkin Dallas county chung um zapizarang umkalnak hmun ah kal ahcun hmaikhuh i khuh a hau cang lai tiin thawngpang ah khan tlawmpal te a thlenmi a um than.

Tuni ningani ah Dallas County Commissioner pawl nih mee ( vote) an thlak i biaceihtubawi Jenkins i order a chuahmi kha zeimawzat an thlen than. A thlenmi ahcun hmaikhuh i khuh lo zongah dantatnak a um lai lo ti a si cang.

Hmaikhuh i khuh lo zongah zeihmanh palik nih an in ti kho lo tinak a si. Nain hmaikhuh i khuh lo ahcun dawr le zapizarang umkalnak ah luhchuahnak kham khawh na si lai. Tahchunhnak ah dawr ngeitu nih hmaikhuh a khuhmi lawng a dawr ah luhternak nawl a pek hna ahcun nangmah cu hmaikhuh na khuh lo ahcun na luh kho lai lo tinak a si. Source: Salai Z T Lian

Photo credit: Google photo