R.I.P. Ralkaap le Palik nih Salai Cung Lian Ceu anunnak an kan lak pak hoi

Chin News

Breaking News: Tuni March 17 Kalaymyo, Taungphila ah ralkap le palik ih pakhat an kahthah hoi. An kahthahmi hi Gilgal Khrihfabu chungtel a si i Taungphila ah a ummi Salai Cung Lian Ceu kum (25) a si tiah theih a si. Tantaakmi chungkhar Bawipa nih hnem hram ko hna seh!

May be an image of 1 person, outdoors and text

May be an image of road, street, tree and sky

By Saya Tluang Ceu Thang: Ralhrang ralkap ruang ah mi tampi nih Hlaing Thar Yar an chuah tak thluahmah cang. March 14,2021 ah ralkap nih Yangon khuachung Myo vialte lakah company le rian a tam bik nak Hlaing Thar Yar cu Martial Laws hman ding in nawl a chuah caah ralkap tampi an thlah hna.

May be an image of car, motorcycle, street, road and text

Heh tiah Sandahpiah mi cu an kah hna caah a tlawmbik ni nikhat teah minung 50 an thi. 300 leng nih hma an put. Cu ti cun ralkap pawl cu full in nawl ngeihnak pek an si cang caah ka dang hmundang in ra in Hlaing Thar Yar ah rian a rak tuammi pawl nih Hlaing Thar Yar Myo cu an chuah taah thluahmah cang.

May be an image of 3 people, motorcycle and outdoors

Catial tu keimah zumhnak ah Hlaing Thar Yar ah hin company tampi a um lawng si loin Tuluk company le Tuluk Business tuahmi tampi an umnak a si caah ralkap nih biatak deuh in runven an duh I si ruah tiah ka ruah. Ngaihchia si ko.

May be an image of motorcycle, road, street and text

Relchih: Kawlram palik 400 leng India ah an zam cang. Tutan Kawlram ralkap uknak lak ruang ah palik pawl cu ralkap nih an duh ning poh in an hman hna. Nawl an pek hna. Dai te Sandahpiah ko mi mipi zong cunglei ralkap nih kah le thah an fial hna caah cu ti ralkap nawlpekmi zulh i mipi thah le hrem kha cheukhat palik nih an duh lo caah India ram ah an zam.

India cozah lei chim ning ah “February thla dih lei khan palik tampi kan ram ah an zam. Ralkap uknak duh lo ah an rak zam i 400 leng an si cang. Tam deuh cu palik an si. Meithat zong an um,” tiah an ti. A zammi tam deuh cu Mizo ram lei in an lut ti si. A zammi lei nih an chin ve mi cu “ralkap nawlpekmi zulh I mipi hrem le thah kan duh lo caah kan zammi si,”an ti. Ref.BBC

Leave a Reply