Myanmar: Shan ramkulh, Muse leiin a rak tlungmi Kalaymyo Sizungpi Covid-19 runvennak ‘Quarantine Center’ ah zohkhenh cuahmahmi thla 9 ngakchia pakhat cu tuzing ah a nunnak liam tiah kan theih. A nunnak a liammi thla 9 ngakchia nute hi Pneumonia zawtnak (nimunia) a rak ngei ciami a si.

Amah hi Palaung (Shan) miphun le hringtu a pa, Pu Van Bawi Uk (Khampat Khuami) hna i an fanu a si. Atu bantukin Kalaymyo Senpi sizungah an zohkhenh a si hnuah a nunnak a liam hi a si.

Kalaymyo Covid-19 committe chungtel rianṭuantu pakhat Ko Thanht Sin nih, “Mandalay leiin a rak rat lio tein ngakchia hi a dam ti lo. Cu ruangah Senpi sizung ah an thlopbul colh a si. Covid-19 zawtnak hrik ‘Swab Test’ lak in an check hna tik ah an pafa in zawtnak an hmu hna lo (negative) an si. Hringtu a pa cu tuzing ah dam tein sizung in a chuakc ang,” tiah a chim.

Hi hna hi September ni (7) chun ah Kalaymyo ah a rak phanmi an si. A nunnak a liammi thla 9 nute hi a min ah Elizabeth ti a si caan zeimawzat Oxyge (thli pekchawm) in an zohkhenh hnuah atu bantukin a nunnak a liam hi a si. Tuni ah a ruak zong an vuai cang tiah kan theih. Chirchan:Zalen/TCP

Note: Tuan deuh ah thil hi kong he pehtlai in kan thlah cang nain, a nulepa min tibantukin le a nunnak a liammi amah tibantuk kan langhter khawh lo ruangah atu ah tlamtling deuh in kan rak thlah ṭhannak a si.