Hawile hna, Pu Haote (56) MEC member Saihpiozi sang um mi nih pawpi khenser zawtnak in April 14 zinglei sml. 1:00 ah hi vawlei nunnak in a kan liamtak. Ahnu bik ruakvui pumhnak cu April 14 zing sml. 9:00 ah tuah a si lai. Taantak mi chungkhar thlacamnak he bawm cio hna usih.

 

Pu Haote kum (56) hi Thangtlang MEC khrihfabu a si i MEC member Saihpiozi sang ah aummi a si. Tutan ah pawpi Cancer in mual a kan liam tak hi a si. Taantakmi chungkhar Bawipa tu nih an ngaihchiatnak hnem hram ko hna seh! Laluk Mercypa

Thawngpang dang rak rel chih: President Trump Nih WHO Bawmhnak A Phih. American mipi pekmi tax in US cozah nih kum khat US$ 500 million in WHO a bawmh tawnmi cu President Trump nih ngol chung dingah order a chuah. WHO nih coronavirus zawntnak kongah an rian tha tein an tuan lo. Theih le hngalh a herhmi vialte a caan teah an chim lo. An riantuanning vialte tha tein chekhlatnak tuah hmasa an hau tiah tu zanlei press conference ah a chim.

Tuluk cozah nih coronavirus zawtnak tih a nunning a dikning tein infomation a pe duh lo. Thil dik a thuh. Thil dik a chimmi Tuluk doctor hna an ka a phih hna. Mah bantuk thil a can lio ah WHO nih cun Tuluk cozah tu a thangthat hna. Taiwan cozah nih WHO sin ah tuante ah ralrinnak ca a kuatmi zong zei ah a rel duh lo.

A caan a luan hnu, March 11 lawng WHO nih Coronavirus cu minung le minung chonh khawhmi le tihnung mi zawtnak a si tiah vawlei pumpi theih in an chim. President Trump nih WHO nih a caan te ah thawngthanh hna sehlaw minung nunnak tampi kan khamh khawh lai a ti. Tuluk nih WTO ah a thawhmi cu kum khat ah US$ 50 million lawng a si.

US pekmi sin ahcun barawh zet hmanh a si lo. President Trump nih state 50 governor pawl cu US business vialte on thannak dingah governor vialte nih an i timhlamhning vialte cu tu thla dih hlan ah chuahpi cio dingah a fial hna. Credit: Salai Lairamthang