Pu Maung Pi (87) nih mual a kan liam tak. FB hawile vialte, CNF kum saupi pi a hruaitu kan Chairman hlun Pu Thomas Thangnou i hringtu a pa Pu Maung Pi (87) nih damlonak in America ram, Kansas City khua ah Dec. 1st, 2019 ah mual a kan liam tak ti thawng kan theih i Chinland Club member vialte le CNF member vialte nih kan Pu Thomas Thangnou te chungkhar kan ngeih a chiat pi hna. Funeral service hi Dec. 7th,2019 ah Kansas City khua ah cun tuah an tim ti kan theih.

Kan Chin miphun kum saupi a kan hruaitu CNF hruaitu fapa ttha Pu Thomas Thangnou a kan hrin piak tu kan Pa, kan pu Pu Maung Pi cu kan miphun nih a fa pa Pu Thomas Thangnou kan dawt, kan upat bantuk in kan upat i, kan dawt ve mi a si. Kansas ramkulh hrawng i a um mi kan Chin miphun hawi vialte nih kan miphun dawtnak le kan pa Pu Maung Pi upat nak in hi Funeral service hi kal khawh cio i zuam hna uh sih.

Pu Maung Pi hi kan Chinram ah mi tampi nih kan rak theih, rak upat mi mi ttha, principle ttha a ngei mi zohchunhawk ttha kan pa a rak si. Pa ttha dir hmun tak tak in a rak dir khawh caah a fa le miphun pakhat hruaitu phanh ding tiang in a rak sersiam khawh hna. Pathian nih fanu (8) le fapa (3) a pek i, a fa pa lak ah upa bik cu kan Chin miphun kum saupi a kan hruaitu CNF kan Chairman hlun Pu Thomas Thangnou hi a si. Kan pu Thomas Thangnou te chungkhar he ngeih chiatnak hrawm bu he. Credit: Daniel Sakhong