Pu Hrang Tin Hnin le Pi Sang Hlei Hai (tleicia) hna i an fapa pa (6) nak Pu Lal Nun Tluang kum (34) nih tuni ah a rianṭuannak ah vanchiatnak tong in mual a kan liam tak. Pu Lal Nun Tluang hi 2009 kum ah Malaysia a rak phanmi a si. 2010 kum ah Sui Rem Thlui he chungkhar an dir i fa pathum an ngei. Kawlram i an umnak khua cu Hmunṭha, Kalaymyo ah a si.

Pu Lal Nun Tluang hi Myanmar Emmauel Christian Fellowship chungtel a si i khrihfabu ah Vice Chairman a ṭuan cuahmahmi a si. FPM-FRO in kan tuarpi tuk hringhran hna. Tantakmi a nupi a fale, unau rualchan chungkhar hna zong Pa Pathian nih an ngaichiat hnem hram ko hna seh. A ruak hi kawlram leiah kuat dingin timtuah cuahmah lio a si tiah FRO nih a tarlangh.

Pu Lal Nun Tluang hi a cunglei ah a konglam zeimawzat kan langhter cang. Amah hi khrihfabu zong nih bochan ngaimi pakhat a si. Vice Chairmen tiang a ṭuan cuahmah liomi a si. Atu bantukin a rianṭuannak vanchiatnak a ton tikah chungkhar lei zong kan ngaihchiatpi hna. A ruak hi kawlram leiah kuat ding in timtuahnak ngeih a si tikah, a tlamtlinnak hnga thlacamnak in bawm cio hna usih. A thihnak aruang belte an langhter rih lo.