Nulepa ulenau hna, Khrihfabu le miphun nih kan bochan i kan sian lomi Pu Kepling Khengmual (kum 62) cu hi vawleicung zawtfahnak le intuarnak vialte kaltaak in May 26, 2020 (Tuesday), chun 12:58pm ah Sertu Pa Pathian sin ah a kan dinh taak. Taantaakmi chungkhar le Khrihfabu ca ah thlacamnak in kan bawm hram u.

Pu Kepling Khengmual i a chuahnak khua cu Malsawm a si. Indiana Chin Baptist Church ah a thaw a dih tiang Khrihfa Upa a kan tuanpiaktu a si leeng ah, caantling in CBCUSA Office Secretary zong caan saupi a ttuanmi a si. A nupi le fale pa li (fapa pa khat le fanu pa thum) a roh taak hna.

Ruakhumhnak le ruakthlahnak kong a fiangmi a um rih lo. Chungkhar le Khrihfabu nih ceihkhan dih hnu ah thawng kan thanh tthan te lai.

Ngaihchiatpi buin,

Aa Peng pa

Lal Cung Awi

Pastor

Indiana Chin Baptist Church

8528 Madison Avenue

Indianapolis, IN 46227

Telephone: 317-727-7726 (cell)

Anih hi US ram Indianapolis ah chungkhar he khusa lio an si i CBCUSA ngunkeng rian zong caan saupi a tuan bal lawng silo in a Khrihfabu Indiana Chin Baptist Church (ICBC) zong ah Church Chairman zong a rak tual bal i miphun nih kan i bochan mi kan pa si. Chungkhar le Khrihfabu hna CCN nih kan in tuarpi ve hna. Credit:Chin Cable Network Channel

Thawngpang dang rak rel chih: Thawngpang Theihtlei. Billionaire Elon Musk ngeihmi SpaceX company nih minung citmi, Falcon 9 Rocket cu Florida state, NASA’s Kennedy Space Center in thaizing zanlei sumilam 4:33pm ah an thlah cang lai. Florida hi thlichia le tilet nih a den khawh men ti a si i, aden sual ahcun May 30 ah an thlah than te lai.

Vawlei in khan 60000 renglo a sannak vanrang tang tiang a phan kho lai ti a si. Mah rocket thlahnak dingah US$ 62 million a dih lai tiah an tuak. Mah rocket cu NASA astronauts hna nih an mongh piak hna lai ti a si. Vanrang cungah minung citmi rocket an thlah hmasa bik a si lai. Mah rocket thlahnak puai ah President Donald Trump nih a telpi hna lai.

Mirum Elon Musk nih 2023 ah thlapa cungah khuatlawnnak tuah a timh i phaisa US$ 5billion cu a dih te lai an ti. Minung pakhat ticket caah US$ 20 million a si lai an ti. Elan Musk cu Telsa le Space X company ngeitu a si. Vawleicung mirum bik 23nak a si. Salai Lairamthang